Ribadeo, 14 de maio de 2025. Ribadeo solicita en Portos de Galicia melloras nos portos de Mirasol e Rinlo. Así llo expuxo o alcalde, Dani Vega, ao presidente do ente, José Antonio Álvarez, na xuntanza mantidas nas últimas horas.
O rexedor contou que “mantivemos unha reunión de traballo en Portos de Galicia co presidente e co xefe da sección de infraestruturas portuarias. Que reclamamos nesta reunión? Melloras nas zonas portuarias, concretamente no porto de Mirasol, o que ven sendo mellorar todo o pavimento da zona máis comercial, máis restrinxida ao tráfico, pero fundamental para o acceso de camións. Tamén vamos arranxar puntos na zona de entrada e a mellora da iluminación, evidentemente, entendendo que hai que camiñar cara a eficiencia enerxética. Polo tanto, reclamacións para a zona portuaria de Mirasol”.
Vega explicou que “tamén reclamamos melloras na zona de Rinlo. Nestes momentos, nosoutros por parte do Concello aglomeramos toda a zona portuaria, pero o que reclamamos a Portos de Galicia ven sendo o arranxo do adoquín. Dado que vamos retirar estes contedores que son soterrados, que están causando grandes problemas ao Concello, grandes gastos, porque teñen continuas avarías, e polo tanto en base ao informe do técnico municipal, recoméndese a súa retirada e vamos poñer unha zona mellor adecuada para os contedores e aquí o que vamos é rematar todo con adoquín e tamén mellorar toda a beirarrúa, que está completamente destrozada, e conservar a varanda que está na zona portuaria”.
O alcalde ribadense indicou: “son dúas reclamacións que nós tiñamos pensado xa hai tempo facer, pero evidentemente empezamos pola rúa Buenos Aires, isto xa se vai facer, e agora xa reclamamos melloras nas zonas portuarias que son fundamentais tamén e necesarias, por exemplo no porto de Mirasol para o tráfico de camións, e na zona de Rinlo, evidentemente entendendo que é unha vila tremendamente turística, tremendamente mariñeira, debemos seguir investindo, mellorando e así conservando. Polo tanto, seguimos xestionando orzamento para que Ribadeo siga avanzando”.
Á reunión con Portos de Galicia participou tamén a concelleira de Seguridade, Montse Seijo.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
