A programación esténdese dende o 23 de maio ao 3 de xuño cunha programación variada que inclúe misa, procesións, música e actividades infantís
Burela, 21 de maio de 2025. A pasada semana presentouse oficialmente o cartel e o programa das Festas Patronais de Burela, que se celebrarán do 23 de maio ao 3 de xuño.
O programa comeza o venres 23 de maio ás 21 horas coa misa e procesión en honor á Virxe do Carme, acompañada pola agrupación musical tradicional S.C.R. Ledicia. Durante os días seguintes haberá actividades como o pregón a cargo de Ana Fernández Moreiras, actuacións musicais, festa infantil con inchables, karaokes infantís e para adultos, e verbena nocturna.
Destaca a procesión marítima do domingo 1 de xuño, na que participarán a agrupación musical Santo Inocencio de Burela e a banda OJE Nosa Señora do Nordés de Ferrol. O sábado 31 de maio celebrarase a Alfombra Floral con diversas actividades ao longo da xornada.
A alcaldesa de Burela, Carmela López, comentou que “detrás deste cartel e deste libriño hai ilusión, hai traballo e hai unión”. Quixo agradecer “profundamente” á Comisión de Festas, ás asociacións, ao tecido comercial e a “todas as persoas que fan isto posible”, rematou.
Pola súa parte, Patricia Eijo, concelleira de Festas e Festexos, tamén quixo expresar o seu agradecemento “a todas as persoas que fan posible que se leven a cabo as nosas festas patronais”. Destacando a súa “dedicacion, ilusión e o seu traballo, moitas veces invisible, polo que desfrutaremos dunhos días cheos de alegría e tradición”. Remataba afirmando que cada actividade, concerto, procesión ou encontro “será un éxito”.
O programa completo está dispoñible no libriño oficial e detalla todas as actividades diarias en espazos como a igrexa, o auditorio, a praza e a explanada portuaria.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
