Nota de prensa:
A Xunta deu un paso decisivo na consolidación dos 108 traballadores de Cerámica de Sargadelos, agora é a quenda do Ministerio de Traballo que informou positivamente o ERE de extinción e que debe involucrase tamén na solución
BALSEIRO EMPRAZA A LARA MÉNDEZ A CUMPRIR O ACORDO DO PLENO MUNICIPAL POLO QUE O ESTADO DEBE ASUMIR AS PREXUBILACIÓNS DOS TRABALLADORES DESPEDIDOS EN CERÁMICA DE SARGADELOS
* A Orde de 5 de abril de 1995 (BOE número 93 do 19 de abril) establece as axudas que poderá conceder o Ministerio de Traballo ao persoal afectado polos procesos de reconversión e/ou reestruturación de empresa e coas que poderían financiarse as prexubilacións.
* Nin o Goberno do Estado nin a Deputación amosaron o seu interese e preocupación pola situación de Cerámica de Sargadelos, polo que son as administracións socialistas as que están a incumprir a obriga de apoiar a estes traballadores.
Santiago, 19 de novembro de 2010.- O deputado autonómico do Partido Popular de Galicia, Jose Manuel Balseiro Orol, emprazou no día de hoxe a Lara Méndez e ao grupo socialista a cumprir o acordo do Pleno municipal polo que se lle pedía ao Goberno do Estado que asumira as prexubilacións dos traballadores despedidos en Cerámica de Sargadelos.
O último punto do acordo unánime acadado no Pleno extraordinario que no seu día celebrou o Concello de Cervo reclamaba “de xeito expreso” que a administración socialista tamén apoiara a estes traballadores financiando as prexubilacións das persoas despedidas e, polo momento, “esta é a única parte do acordo que polo non se ten cumprido”. Establecíase tamén o procedemento axeitado para facelo, máis en concreto, aplicando a Orde de 5 de abril de 1995 (BOE número 93 do 19 de abril) que regulamenta as axudas que poderá conceder o Ministerio de Traballo ao persoal afectado polos procesos de reconversión e/ou reestruturación de empresa.
Jose Manuel Balseiro lembrou que poderían ser beneficiarios destas axudas estatais á prexubilación seis dos oito traballadores que na actualidade cesaron o seu contrato en Sargadelos como consecuencia do aplicación do ERE extintivo. Sinalou tamén que no seu momento a propia Inspección do Ministerio de Traballo e Seguridade Social informou favorablemente o ERE. O deputado popular conclúe que si a administración socialista non tivo ningún reparo en dar o visto e prace ao ERE “o lóxico é que tamén agora poña as axudas que a lexislación contempla para financiar as prexubilacións das persoas afectadas”.
TRABALLO NOS DESPACHOS
O parlamentario popular asegura que, tal e como di o PSOE, “é certo que o PP non participou nas manifestacións convocadas, pois mentres o PSOE buscaba a foto poñéndose tras a pancarta, nos estábamos facendo algo máis importante e produtivo, negociando nos despachos, intermediando entre a Xunta, a empresa e o comité de persoal, e buscando unha solución que xa fructificou no día de onte”. Mentres a Xunta deu un paso decisivo na consolidación do algo máis dun cento de persoas que compoñen o cadro de persoal de Cerámica de Sargadelos, “ainda seguimos esperando a que o Ministerio de Traballo tamén interveña e achegue as axudas necesarias”.
Finalmente Jose Manuel Baleseiro dirixiuse a Lara Méndez para lembrarlle que agora “ten a oportunidade de facer algo por Cervo, xa que ata o momento nada fixo polo seu concello”. Insiste en que “precisamente esta señora pasará á historia polo seu comportamento desleal cos seus veciños”. Emprázalle, polo tanto, a que chegue as axudas que prometeron.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
