Cada ano repítese o mesmo ritual. Decenas de concellos galegos —moitos sen tren, sen aeroporto, sen política turística real— fan as maletas para ir a FITUR, en Madrid, a feira máis mediática do turismo. Levan gaitas, empanadas, algunha alfombra vermella e moita propaganda institucional. Gastan decenas de miles de euros nun par de días que valen máis para o “post” de Facebook que para atraer un só turista.
Segundo o portal de transparencia, o gasto conxunto de concellos galegos, deputacións e entidades públicas en FITUR supera os 2 millóns de euros cada ano. Iso sen contar dietas, hoteis de catro estrelas, vídeos promocionais sen impacto e autobuses que levan ao coro do municipio a cantar no IFEMA.
E mentres tanto… ¿onde están os turistas?
O 40% dos turistas internacionais que pisan Galicia chegan a través do aeroporto de Porto, un dato brutal que debera estar en todos os plans estratéxicos. Pero non. Non se fala del. É coma se non existise. Ou peor: como se falar del fose recoñecer un fracaso é un tema tabú.
A realidade é que Porto é o aeroporto internacional de facto de Galicia, e as campañas de promoción deberían estar xa nos aeroportos que voan a Porto, nos buscadores online, nos trens e autobuses que cruzan a fronteira. Pero claro, iso non se ve en FITUR, non dá fotos, non enche autobuses de amigos nin se pode xustificar cun contrato menor.
A política turística galega necesita intelixencia, non egos.
Galicia precisa menos pavillóns en FITUR e máis visión. Chega con que a Xunta promocione todo o territorio. Menos gasto institucional en xornais locais e máis acción en puntos de chegada real de turistas. Menos “Galicia Calidade” vendida en formato de ración de polbo para os VIP e máis promoción dixital segmentada. ¿De verdade imos seguir gastando 60.000 euros por stand mentres os turistas escollen Porto para voar? ¿Quen defende esta cegueira?
Propoño unha ruptura. Un xiro radical.
1. Recortar un 50% do gasto galego en FITUR e investir ese diñeiro en campañas en Google Ads, Skyscanner, Airbnb, e nos aeroportos que conectan co Sá Carneiro.
2. Negociar unha campaña conxunta co Norte de Portugal como destino atlántico europeo atlántico.
3. Eliminar o reparto clientelar de stands e actuacións sen impacto, substituíndo FITUR por plans de acción con retorno medible.
Galicia non pode seguir sendo unha postal para os de sempre. Necesita ser un destino para os que veñen de verdade. Non podemos xustificar gasto para consumo interno, cando o que realmente se move é o que entra por Portugal e con maior capacidade de gasto.
Porque o turismo non se mide en fotos no IFEMA dos concelleiros de cada concello. Mídese en camas ocupadas, en empregos estables e en estratexia internacional. Conseguindo un calendario estable e desestacionalizado.
IFEMA está ben, con sentidiño e gastando o xusto, canto impacto terían eses cartos invertidos en campañas internacionais? Mais claro, os alcaldes de turno non irían de paseo a Madrid.
Menos viaxe a Madrid. Máis País e máis sensatos nos gastos.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
