Burela, 6 de xuño de 2025. O entorno natural da praia da Marosa converteuse este xoves no escenario da xornada final do proxecto Ondas Limpas, unha iniciativa centrada na sensibilización e educación ambiental arredor do medio mariño. A cita ao aire libre permitiu poñer en valor as actividades desenvoltas ao longo do proxecto, que incluíron a práctica do surf e a arte participativa.
Carmela Lopez, alcaldesa de Burela, e Javier Martínez, presidente do GALP A Mariña – Ortegal deron comezo ao acto poñendo en valor a implicación das asociacións locais no desenvolvemento de Ondas Limpas. Así mesmo, púxose de manifesto a importancia de vincular ás persoas novas co coidado do mar, o seu desfrute, e as súas posibilidades como xerador de emprego local no paraugas da Economía Azul.
A charla central desenvolveuse co mural participativo de fondo, dando cor e alegría ao Departamento GAIA, o Burela Surf Club e Belen Mogo e Martín Lestao, artistas locais. O mural xa se pode visitar no paseo da Marosa, e foi elaborado en colaboración cos colexios locais e as asociacións de inclusión social, ao longo desta primaveira. Empregáronse materiais de refugallo recollidos nas limpezas de praia, coordinadas polo Departamento ambiental GAIA.
Así mesmo, o Burela Surf Club, impulsores desta iniciativa, desenvolveron charlas medio ambientais con surfistas de referencia e ofreceron á veciñanza burelá sesións de iniciación ao surf nas que participaron máis de 50 veciños e veciñas de todas as idades.
A xornada rematou coa estrea do vídeo resumo do proxecto, realizado por Arracada Producións e que pronto se compartirá nas redes do Concello. A xornada contou con elaboracións de produto pesqueiro realizadas polo IES de Foz, co obxectivo de poñer en valor os produtos do mar e celebrar os éxitos do proxecto Ondas Limpas.
Ondas Limpas contou co financiamento do GALP A Mariña Ortegal a través do FEMPA. O seu obxectivo foi o reforzo do coidado medio ambiental mediante un programa de actividades de sensibilización, deporte no mar e arte participativa.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
