Os populares propoñían “aumentar o prazo para adaptar as terrazas á nova ordenanza aprobada polo bipartito o ano pasado” porque, como xa advertían daquela, “un ano non é suficiente para cumprir coas adaptacións”
Burela, 6 de xuño de 2025. O voto de calidade da alcaldesa, a señora López Moreno, que se pronunciou en contra dunha proposta do Grupo Municipal Popular, despois de alcanzar un empate na primeira votación, “deixa na corda frouxa aos hostaleiros e hostaleiras de Burela”.
Os concelleiros do Partido Popular defendían unha iniciativa para “intentar salvagardar e dar cobertura legal aos hostaleiros que contan con servizo de terraza nos seus locais”. Concretamente, propoñían “ampliar o prazo para adaptar as terrazas á nova ordenanza”. Pero, “lonxe de apoiar aos hostaleiros de Burela, o goberno local votou en contra da nosa proposta impedindo que saíra aprobada”.
A proposta dos populares pretendía “corrixir” unha ordenanza “moi controvertida” aprobada o ano pasado polo goberno bipartito da señora López Moreno na que se establecía un prazo dun ano aos hostaleiros para adaptar a terraza ás novas normas.
O Grupo Municipal Popular xa advertía no momento no que coñeceron o texto da ordenanza que “ía ser moi difícil que os hostaleiros puideran cumprir coas adaptacións requiridas no prazo dun ano”. E, cumprido o ano a mediados de abril, os populares sinalan que “a situación segue igual”.
O portavoz popular, Manuel Rouco, explica que “a alcaldesa asegurou no Pleno que non ía aplicar a norma”. É dicir, “non vai aplicar a propia norma que ela mesma aproba”. Así mesmo, afea que “ao negarse a alcaldesa a facer unha pequena modificación como propoñía o PP, a maioría dos hostaleiros poden ter serios problemas”. É dicir, “o propio goberno bipartito dificulta que os hostaleiros o se adapten ao cumprimento das normas”.
“É sorprendente por parte de quen di defender aos veciños e veciñas de Burela e que debería dar exemplo que nin o faga e, o que é peor, que recoñeza publicamente que non vai a cumprir coas normas que ela mesma aproba”, conclúe o popular.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
