Ribadeo, 7 de xuño de 2025. Do 13 ao 15 de xuño terá lugar a quinta edición do Ribadeo Ilustrado, que organiza a Concellería de Cultura. Trátase dun evento que combina música, teatro, historia e visitas patrimoniais, cunha programación que ten como fío condutor a figura de Antonio Raimundo Ibáñez, o marqués de Sargadelos.
A concelleira de Cultura, Begoña Sanjurjo, indicou que “a cita cultural aposta, unha vez máis, pola divulgación do noso pasado ilustrado e a dinamización do presente local, poñendo en valor os espazos patrimoniais da vila e da contorna. O evento forma parte do proxecto global do Concello para consolidar Ribadeo como un referente cultural e turístico da Mariña Lucense, con actividades que convidan á participación activa e á recuperación da memoria colectiva”.
Antonio Raimundo Ibáñez: industria, ilustración e legado
Antonio Raimundo Ibáñez, natural de Santa Eulalia de Oscos, foi un dos nomes máis destacados do século XVIII na comarca da Mariña. Empresario visionario, impulsou o porto de Ribadeo, converténdoo nun dos enclaves comerciais máis importantes do Cantábrico, con conexións transoceánicas. Máis adiante, fundou a célebre fábrica de fundición e louza de Sargadelos, no concello de Cervo, proxecto industrial pioneiro en Galicia e símbolo do espírito ilustrado.
Sanjurjo subliñou que “este ano, o Ribadeo Ilustrado rende homenaxe á súa pegada en Ribadeo e na contorna con visitas guiadas, paseos escénicos, música tradicional e intervencións teatrais en espazos históricos”.
A edil ribadense dixo que “o Ribadeo Ilustrado é unha aposta pola nosa historia e a identidade. Nesta edición puxemos o foco en Antonio Raimundo Ibáñez, unha vez máis, pero coa prolongación da súa figura, decisiva para a transformación económica da comarca e símbolo do espírito ilustrado que queremos reivindicar”.
E engadiu que “todas as actividades son de balde e pensadas para todos os públicos, cun enfoque inclusivo e divulgativo. Recordamos que a visita do sábado 14 de xuño, que se desenvolverá ao longo de toda a xornada, está centrada na exploración da pegada de Antonio Raimundo Ibáñez na contorna. O desprazamento realizarase en autobús desde Ribadeo ata diferentes puntos de interese: Santa Eulalia de Oscos e Cervo. Debido ao número limitado de prazas, é necesario inscribirse previamente a través da páxina web de turismo de Ribadeo (turismo.ribadeo.org) na sección Momentos, ou ben chamando directamente á Oficina de Turismo de Ribadeo no 982 128 689”.
Programa completo
VENRES 13 DE XUÑO
Casa do Concello – Pazo de Ibáñez
20:15h Presentación da V edición do Ribadeo Ilustrado
20:30h “Camiño á Ilustración”, Noè Rodrigo, marimba
SÁBADO 14 DE XUÑO
Antonio Raimundo Ibáñez e a súa pegada na contorna
09:30h Saída en autobús desde Ribadeo a Santa Eulalia de Oscos. Visita guiada á Casa Natal de Raimundo Ibáñez
13:00h Visita guiada ao centro histórico de Ribadeo
16:00h Saída en autobús cara a Cervo. Visita guiada ao Museo Histórico de Sargadelos
DOMINGO 15 DE XUÑO
Paseo teatral e musical: Ribadeo Ilustrado
Saída: Casa do Concello – Pazo de Ibáñez → Forte de San Damián
11:30h Paseo escénico con paradas históricas, conducido por artistas e agrupacións locais:
11:15h Capela de San Roque: introdución con Carlos Guerra, guía intérprete
11:30h Parada 1: Casa do Concello – Pazo de Ibáñez
11:45h Parada 2: Porta da Vila
11:50h Parada 3: Praza de Abaixo / Concello Vello
12:00h Parada 4: Pazo de Miranda – Grupo de Teatro de Ribadeo
12:10h Parada 5: Fonte dos Catro Canos
12:20h Parada 6: Casa do Patín – Grupo de Teatro de Ribadeo
12:30h Parada 7: Casa de Abaixo – Bengoetxea – Grupo de Teatro
12:40h Parada 8: Restaurante Mariñeiro – Ericas e Peluxias
13:10h Parada 9: Pazo de Guimarán – Asociación Música Tradicional Amigos da Gaita
13:20h Parada 10: Miradoiro de San Miguel – Mano Panforreteiro
13:30h Parada 11: Cargadoiro – Reloxo – EMMD de Ribadeo
13:45h Parada 12: Forte de San Damián – Isabel Díaz-Robles, guía oficial
18:00h VISITA TEATRALIZADA ao Forte de San Damián, protagonizada por Dorinda a augadora e os soldados que gardaban esta histórica fortaleza.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
