A Mariña 7 de xuño de 2025.Unha muller denuncia que seu pai levaba agardando un mes polo resultado dunha biopsia preferente que permitiría iniciar unha ou outra modalidade de tratamento para un cancro avanzado.
O paciente padece unha enfermidade neurolóxica progresiva que debe revisarse periódicamente; na resonancia de control que realizou hai ano e medio atoparon unhas lesións no cerebro que asumiron como propias do seu padecemento. Mais a finais de abril ten que acudir a urxencias cunha crise severa, con perda da fala, desorientación e imposibilidade para camiñar. Unha vez en ingresado en planta a crise volve repetirlle polo que se lle realizan diversas probas diagnosticándolle un cancro pulmonar de grado 4 con metástases cerebrais. Tralo diagnóstico é dado de alta cunha cita cita aos dous días para a realización dunha broncoscopia que permita biopsiar o pulmón. Dita proba é fallida, polo que debe repetirse no HULA.
Máis dun mes da biopsia preferente e aínda non comezou o seu tratamento
A segunda biopsia é extraída o día 5 de maio e tramitada con carácter preferente, polo que en cinco días deben estar os resultados que permitan diagnosticar que tipo de tumor é e que opcións de tratamento hai.
A día de hoxe, máis dun mes despois da realización da biopsia aínda non puido comezar o tratamento. O comité de tumores ,que debe decidir o tratamento, reunido xa dúas veces, tivo que suspender a reunión pola falta de resultados. Cada día que pasa sen saber as características do cancro é tempo que corre na contra da persoa enferma, impedíndolle a instauración dun tratamento rápidamente e restándolle oportunidades.Hai dous días, na última consulta á que acudiu en Lugo explicáronlle que un mes despois da súa realización chegaron os resultados, mais primeiro hai que tratar con radioterapia as metástases cerebrais para despois xa abordar con quimio ou inmunoterapia o tumor pulmonar primario, polo que todo ese tempo de atraso nos resultados é tempo que se perdeu sen comezar un tratamento; ese tempo gañouno o avance do tumor. Segundo explica a súa filla, “queremos que teña todas as opcións posibles e de xeito inmediato pero estamos desesperados porque parece que o están deixando morrer”.
Contactan coa Plataforma Sanitaria para que poña voz a esta grave situación
A desesperación e a angustia polo excesivo retraso e as súas fatales consecuencias levan a esta muller a contactar coa plataforma, para que se denuncie públicamente o que está a acontecer coas biopsias das e dos pacientes da Mariña, que aínda sendo preferentes estanse derivando a Lugo, sobrecargando os servizos da capital e atrasando os resultados.
Esto supón que moitas veces cando están os resultados, despois dun tempo moi superior ao debido, sexa demasiado tarde. Desde este colectivo esiximos que se actúe inmediatamente e se cumplan estritamente as prioridades; demandamos tamén axilidade para que a todas as persoas se lles de a oportunidade dun tratamento o máis inmediato posible co fin de frenar o avance destas enfermidades. “Non é a primeira nin a segunda vez que se chega tarde ao diagnóstico e ao tratamento polos atrasos tan vergonzosos que se están a producir, e sabemos tamén que nalgún caso o paciente perdeu a vida sen ter a opción de intentar algún tratamento”, conclúen.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
