Viveiro, 9 de xuño, 2025. O BNG de Viveiro, a través da súa portavoz Míriam Bermúdez, vén de propoñer que o Concello valore a posibilidade de aplicar unha redución na factura da auga ás persoas afectadas pola recente contaminación do río Landro, que obrigou a moitos fogares e negocios a recorrer á compra de auga embotellada.
A portavoz nacionalista sinala que “moitas familias tiveron que asumir un gasto extraordinario e non previsto, polo que consideramos que sería un xesto de responsabilidade e sensibilidade aplicar unha compensación proporcional nas vindeiras facturas da auga para que a veciñanza non pague a auga dúas veces”.
Desde o BNG defenden que esta medida ten un carácter excepcional e busca unicamente aliviar o impacto económico que esta situación puido supoñer para a veciñanza, especialmente nas parroquias e zonas máis afectadas.
Bermúdez expresou a súa confianza en que esta proposta sexa considerada de forma positiva polo goberno municipal: “Trátase de sumar esforzos e buscar solucións xustas para quen tivo que facer fronte a un problema alleo á súa vontade”.
O BNG tamén expresou o seu compromiso de continuar traballando para garantir a protección do río Landro e da calidade da auga, sempre desde a cooperación institucional e o diálogo construtivo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
