Lugo, 17 de xuño de 2025. O Presidente da Deputación de Lugo, José Tomé Roca, e a Alcaldesa de Burela, a tamén Deputada de Economía, Facenda e Es Carmela López Moreno, recibiron este martes aos Reis de España, Don Felipe VI e Dona Leticia, no marco da súa visita institucional á localidade mariñá que conta cun dos principais portos de Galicia, onde a actividade pesqueira aporta o 19% do seu PIB.
O mandatario provincial acompañou as súas maxestades durante a visita na que coñeceron a fondo o mundo do mar e da pesca tradicional desta vila da Mariña Lucense, e a actual situación do sector da man dos profesionais da Confraría de Pescadores. Os Reis de España percorreron tamén a nave das redeiras onde se achegaron a este oficio no que traballan 5.000 mulleres en España, 4.000 delas galegas e 600 de Burela. A continuación, Don Felipe e Dona Leticia tiveron a ocasión de coñecer o Barco-Museo Boniteiro Reina del Carmen que recibe a máis de 4.000 visitantes ao ano, e mantiveron un encontro con armadores, patróns e mariñeiros na lonxa do porto burelés, onde asistiron a unha descarga do bonito que está en plena campaña e unha simulación dunha poxa de peixe.
Tras a visita ao porto, a comitiva desprazouse ata o Concello, onde foron recibidos pola Corporación Municipal e asinaron no Libro de Honra, así mesmo a Alcaldesa de Burela fíxolles entrega como agasallo institucional dunha figura de cerámica realizada pola Fundación Eu Son. O acto institucional concluíu cun encontro co equipo de fútbol sala feminino, o Burela FS, que recentemente se proclamou campión da Copa da Raíña por sétima vez consecutiva.
Na visita tamén estiveron presentes o Presidente da Xunta, Alfonso Rueda; o Delegado do Goberno en Galicia, Pedro Blanco; a Subdelegada do Goberno en Lugo, Isabel Rodríguez; o Patrón Maior de Burela, Basilio Otero; a Secretaria da Confraría de Pescadores, Diana Durán.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
