Os concelleiros do Grupo Municipal Popular explican que “nos atopamos con facturas con cantidades importantes de diñeiro que se poderían evitar se houbera unha boa xestión por parte do goberno socialista”
Lourenzá, 18 de xuño de 2025. O PP de Lourenzá advirte de “falta de planificación” por parte do goberno local en relación aos desbroces das marxes das estradas de titularidade municipal e das áreas recreativas.
Os populares denuncian “a xestión ineficiente” que supón a contratación de empresas externas para o desenvolvemento destes traballos “cando contamos con medios mecánicos propios e operarios municipais para realizar ese labor”.
Os concelleiros do Grupo Municipal Popular explican que “nos atopamos con facturas con cantidades importantes de diñeiro que se poderían evitar se houbera unha boa xestión por parte do goberno socialista”.
Así, cren que “eses recursos poderían empregarse en pagar aos provedores que aínda non cobrasen, arranxar as estradas que son da súa competencia ou incluso garantir a comida anual dos nosos maiores, que este ano tiveron que quedar sen ela, alegando que non había diñeiro para esta actividade”.
“Esta situación non é nova”, segundo advirten os populares que xa teñen plantexaron esta cuestión no Pleno. “Pero as respostas que obtivemos foron que contan cun tractorista, un peón de desbroce e dous operarios do Concello que non poden estar só para os desbroces, xa que tamén teñen que cubrir eventos e festas” e que “cada goberno ten os seus proxectos e as súas formas de traballar”.
Os concelleiros do PP de Lourenzá piden ao goberno municipal que “priorice a xestión eficiente dos recursos para que o noso pobo poida avanzar e mellorar”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
