Ambas futbolistas abandonan o cadro mariñao despois de tres tempadas nas que conquistaron dúas Ligas, dúas Copas da Raíña, dúas Supercopas e dúas Copas Galicia
Burela, 18 de xuño, 2025. A porteira Caridad e a á-pívot Antía Perez non continuarán a próxima tempada no Burela FS e pechan deste xeito un ciclo de tres tempadas, logo de que ambas chegasen ao conxunto da Mariña no verán de 2022 para iniciar un proceso de renovación do plantel burelista. Conclúen a súa etapa como laranxas conquistando dúas Ligas, dúas Copas da Raíña, dúas Supercopas e dúas Copas Galicia. O club agradécelles todo o traballo, dedicación e esforzo mostrado nestes tres cursos e deséxalles sorte, tanto a nivel persoal como profesional, nos desafíos que emprendan a partir deste verán lonxe de Burela.
Caridad García Díaz (Sanlúcar de Barrameda, 1999) arribou á escuadra burelista procedente do Poio Pescamar, logo de debutar previamente na máxima categoría nas filas do Guadalcacín. A porteira andaluza demostrou en Burela as súas calidades, entre as que destacan os seus reflexos baixo paus e a súa capacidade para impoñerse nos uns contra un. Así mesmo, foi clave nalgunhas finais, como na última Copa Galicia, onde as súas paradas nos penaltis déronlle o título ao cadro laranxa, ou o ano pasado nas semifinais da Supercopa, noutra quenda diante do Futsi Atlético Navalcarnero. As boas actuacións de Caridad, que xa debutara coa selección antes de chegar á Mariña, provocaron que esta tempada volvese ser convocada pola seleccionadora española, Clàudia Pons.
Mentres, Antía Pérez García (Vigo, 2000) chegou á disciplina do Burela desde o Sala Zaragoza, logo de criarse na canteira do Ourense Envialia, con quen conquistou unha Copa da Raíña sendo moi nova, e tras pasar polo Poio Pescamar. A pesar das dúas lesións de xeonllo que frearon a súa progresión, Antía aproveitou a súa estancia na Mariña para coller velocidade de cruceiro no seu crecemento como futbolista e asentouse como unha das mellores xogadoras do panorama nacional, destacando pola súa fortaleza, empuxe, garra e o seu gran golpeo de balón, deleitándonos todos estes anos con grandes goles de volea coa súa perna dereita. Esta campaña recentemente terminada anotou 14 dianas en 31 aparicións entre liga regular e play off.
Aínda que no peche da tempada anterior á súa fichaxe polo Burela xa participara nalgunha concentración de preparación para o Europeo de xullo de 2022, foi xa vestindo a casaca laranxa onde se consolidou como internacional absoluta. Grazas ás súas boas actuacións no Burela FS recibiu a chamada de Clàudia Pons para formar parte da lista definitiva que logrou o terceiro Campionato de Europa para España en marzo do 2023 en Debrecen (Hungría). Antía Pérez pecha a súa etapa en Burela deixando a súa firma na Copa da Raíña de Cartaxena conquistada polo club, nun torneo no que foi elixida a MVP e non dubidou en botarse ao equipo ás costas a pesar de chegar minguada fisicamente por unha lesión de xeonllo.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
