Tamén recordou que Cándido Rial, agora ao fronte do departamento de Pesca, Acuicultura e Innovación Tecnolóxica, como Ángeles Vázquez no de Desenvolvemento Pesqueiro, xa exerceron anteriores responsabilidades na Consellería
Santiago de Compostela, 18 de xuño de 2025.- Hoxe tomaron posesión dos seus cargos o novo director xeral de Pesca, Acuicultura e Innovación Tecnolóxica, Cándido Rial, e a nova directora de Desenvolvemento Pesqueiro, Ángeles Vázquez. O primeiro substitúe a Patricia García e a segunda cubre a vacante que deixou Marta Villaverde co seu nomeamento como conselleira do Mar quen foi a encargada de presidir o acto no que dou a benvida a ambos aos cales agradeceu a súa incorporación ao departamento autonómico para traballar nos retos e desafíos actuais dun sector complexo e estratéxico para Galicia.
Villaverde puxo en valor a bagaxe profesional e bo talante de Rial e Vázquez como mellor carta de presentación dos novos responsables autonómicos. Ademais, resaltou a súa capacidade de traballo e compromiso como as mellores garantías para afrontar con éxito a resposta ás necesidades e demandas co conxunto da cadea mar-industria galega. Tamén tivo unhas verbas de recoñecemento á directora xeral saínte, Patricia García, a quen agradeceu a xestión levada a cabo neste tempo e a quen trasladou os seus mellores desexos na súa nova etapa laboral.
O novo director de Pesca, Acuicultura e Innovación Tecnolóxica, Cándido Rial, é licenciado en Ciencias Políticas e da Administración pola Universidade de Santiago de Compostela e conta cun ampla formación en xestión internacional da empresa e dereito da Unión Europea. Desde o 2022 é funcionario de carreira do corpo superior da Administración xeral da Xunta de Galicia, grupo A1, ocupando distintos postos ata chegar en xuño do 2024 a subdirección xeral de Valorización dos Produtos do Mar.
Pola súa banda, a nova directora xeral de Desenvolvemento Pesqueiro, Ángeles Vázquez, é licenciada en Dereito pola Universidade de Santiago de Compostela no ano 1998, e desde o ano 2005 é funcionaria de carreira do corpo superior da Xunta de Galicia, subgrupo A1. Desde entón ocupou distintos postos na Administración autonómica entre os cales destaca a subdirección xeral de Acuicultura entre o 2017 ao 2021.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
