Viveiro, 23 de xuño, 2025. O colectivo BDS Galiza convoca unha rolda de prensa o mércores 25 de xuño ás 12:00 h na entrada do Resurrection Fest, en Viveiro, coincidindo co incicio deste festival, para informar publicamente do inicio dunha campaña de protestas diante da negativa da promotora Bring the Noise a responder ás demandas éticas do movemento BDS.
Durante as últimas semanas, BDS Galiza dirixiuse por varias vías á organización do Resurrection Fest para propoñer unha reunión e presentar os 4 mínimos éticos esixidos aos festivais propiedade do fondo de investimento KKR pola maior coalición palestina liderada polo Comité Nacional Palestino de BDS e a Campaña Palestina para o Boicote Académico e Cultural a Israel (PACBI). Bring the Noise, propiedade de Superstruct (e, en última instancia, de KKR), non respondeu en ningún momento aos correos e mensaxes enviados.
Diante deste silencio, e coa gravidade crecente da situación en Palestina —cun xenocidio en curso e múltiples advertencias do Tribunal Internacional de Xustiza—, BDS Galiza vese na obriga de iniciar unha campaña de mobilización pública. Anúnciase así a convocatoria dunha concentración pacífica diaria ás 20:00 h durante todos os días do festival, na entrada do recinto do Resurrection Fest, para esixir que o festival cumpra cos 4 mínimos éticos palestinos e poña fin dese xeito á complicidade involuntaria cos investimentos de KKR en crimes de guerra israelís e violacións do dereito internacional.
Desde BDS Galiza apelamos á solidariedade do público galego e das persoas asistentes ao festival, e convidamos aos medios a asistir á rolda de prensa o día da apertura do evento.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
