A Xunta de Goberno deste venres vén de licitar, por algo máis de 210.000€, esta nova subactuación no marco da ampliación deste programa impulsado pola institución provincial para a transformación dixital e modernización das entidades locais
Lugo, 4 de xullo de 2025. A Xunta de Goberno da Deputación de Lugo celebrada este venres vén de licitar por algo máis de 210.000€ a contratación da implantación de puntos de fichaxe e sistemas de control de presenza en 23 concellos da provincia que decidiron formar parte desta nova subactuación, que se enmarca na ampliación do programa Impulsa TIC. Así o informou tras a reunión o Deputado de Promoción Económica e Social, Pablo Rivera Capón, quen sinalou que “este novo investimento súmase ós 4,3M€ de fondos europeos que foi quen de captar a Deputación para a transformación dixital e modernización dos concellos de menos de 20.000 habitantes da provincia”.
Pablo Rivera informou que a través deste contrato dotarase a cada un destes concellos dun sistema que permita realizar un control horario da xornada laboral, a través de puntos de fichaxe físicos; de tarxetas contactless personalizadas para cada empregado; e dunha aplicación web que se poderá instalar desde o móbil, descargando unha app que permita tamén aos traballadores xestionar os seus permisos, licenzas, ou comunicar incidencias.
A duración do contrato será de dous meses. Para poder acometer esta nova actuación, a Deputación aprobou tamén a solicitude de ampliación do prazo de execución do programa Impulsa TIC ata decembro de 2025, tres meses máis do previsto inicialmente.
A duración deste novo contrato será de dous meses e servirá para seguir avanzando na transformación dixital e modernización dos concellos de menos de 20.000 habitantes da provincia, a través das distintas iniciativas impulsadas pola Deputación de Lugo. Os fondos investidos ata o momento permitiron, por unha banda, a mellora da eficiencia dos servizos básicos de administración dixital e mellorar a interoperabilidade administrativa; e por outra, conseguir concellos máis resilientes con capacidade de ofrecer servizos electrónicos aos cidadáns, mellorando ademais a transparencia, apertura e accesibilidade municipal.
Acordos cos concellos de Lugo e Ourol
A Xunta de Goberno aprobou tamén este venres un acordo co Concello de Lugo para garantir a vixilancia e seguridade viaria na zona de estacionamento do Fogar de Santa María
A Deputación pon a disposición da cidadanía o aparcadoiro fóra do horario laboral, -de 16:00 e as 00:00 horas de luns a venres; e de 08:00 a 00:00 horas os sábados e os domingos-, mentres que o Concello asumirá a vixilancia e disciplina a través da Policía Local. A competencia sancionadora será municipal.
Así mesmo, saíu adiante un acordo co Concello de Ourol a través do cal a institución provincial achega 20.636,30 euros para apoiar a celebración dunha nova edición do Festival Aturuxo de Bravos. O investimento permitirá financiar a contratación das bandas musicais, o alugueiro do escenario, o equipo de son e elementos loxísticos como a instalación de aseos ou a carpa.
Ademais, nesta Xunta de Goberno aprobouse a convocatoria e as bases para o ingreso como persoal funcionario de carreira na Deputación de dúas prazas de técnico ou técnica de Administración Xeral polo sistema de oposición libre.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
