A Vicepresidencia da Deputación impulsa esta formación, que pretende facilitar a continuidade da apicultura como actividade principal ou complementaria
Barreiros, 7 de xullo de 2025. Unha vintena de persoas participan no curso de apicultura que se desenvolverá ao longo desta semana en Barreiros, no marco do plan de formación nesta actividade promovido pola área de Rural da Vicepresidencia da Deputación de Lugo.
A actividade formativa, impartida por persoal da Casa do Mel de Goente, comezou este luns con todas as prazas cubertas e cun programa centrado na mellora xenética dos apiarios. Ademais de recibir nocións teóricas sobre selección e técnicas de reprodución das abellas, os apicultores poderán seguir as explicacións dun xeito práctico nun colmeal da Ínsua, en Cabarcos.
O deputado de Rural Daniel García, a alcaldesa de Barreiros Ana Ermida e o concelleiro de Rural e Medio Ambiente Dámaso Ratoeira chegáronse ata a escola de Barreiros, a carón da Casa do Concello, onde se impartiu a primeira xornada da formación, que durante a semana na escola de Celeiro.
Ademais de dar a benvida aos asistentes, o deputado explicou que esta formación pretende mellorar e actualizar os coñecementos dos apicultores e facilitar a continuidade desta actividade produtiva, sexa de xeito principal ou como actividade complementaria.
O curso, que conta coa colaboración do Concello de Barreiros, inclúese na segunda edición do programa de formación impulsado pola área de Rural para apoiar o desenvolvemento da apicultura que chegará ao longo do ano a diferentes localidades da provincia.
Ademais do curso en Barreiros, está en marcha un curso de iniciación á apicultura no Concello de Cervantes, que se iniciou esta fin de semana e que continuará os días 17 e 18 de xullo.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
