Os cursos de Formación Básica en Seguridade Marítima e Mariñeiro Pescador capacitan aos estudantes para traballar nun barco
Burela, 14 de xullo 2025. Un total de 18 estranxeiros procedentes de Alxeria (1), Colombia (1), Mali (10), Perú (3) e Senegal (3) fórmanse desde esta semana nas aulas da dirección local do Instituto Social da Mariña (ISM) en Burela para traballar no mar. Ata o 31 de xullo realizarán o curso de Formación Básica en Seguridade Marítima que lles capacitará para enrolarse nun barco como pescador ou mariñeiro nunha frota tan necesitada de man de obra como é a burelense.
O curso consta de catro módulos: supervivencia no mar en caso de abandono do buque; prevención e loita contra incendios; primeiros auxilios e seguridade no traballo e responsabilidades sociais. Nos tres primeiros, combínanse os ensinos prácticos cos coñecementos teóricos.
É o primeiro curso destas características que se realiza en Galicia. Os alumnos sumarán os coñecementos adquiridos nesta acción formativa de Burela, ás 50 horas do curso de mariñeiro-pescador que realizaron previamente, a través da Consellería do Mar. Co permiso de traballo en regra, os migrantes que reúnan os dous certificados poderán traballar nun barco tan pronto como teñan un contrato laboral.
ARRAIGAMENTO POR FORMACIÓN
O Regulamento de Estranxeiría, tras a reforma do 16 de agosto de 2022, contempla no seu artigo 124 a figura de arraigamento por formación. Trátase dunha autorización de residencia temporal por circunstancias excepcionais para inmigrantes que residen en España de maneira irregular e que vén completar outros tipos de arraigamento existentes no noso ordenamento xurídico como o arraigamento social, o laboral ou o familiar. Ademais, contribúe a crear emprego en sectores de difícil cobertura, como é o caso das profesións mariñeiras.
Inicialmente, o permiso só permite residir e estudar por un ano prorrogable, pero abre aos migrantes a posibilidade de conseguir un permiso de residencia estable e un traballo por conta allea.
As persoas interesadas en solicitar arraigamento por formación necesitan estar a vivir en España durante dous anos, carecer de antecedentes penais e comprometerse coa formación. Non se consideran válidos os títulos obtidos antes da solicitude de arraigamento, aínda que se obtiveron no noso país.
Hai que destacar que, se non se acredita a inscrición nunha acción formativa tres meses despois da presentación da solicitude, o permiso de residencia extínguese automaticamente. A formación debe ser regrada e figurar no Catálogo Nacional de Cualificacións Profesionais.
Finalizados os estudos, os alumnos poderán conseguir un traballo por dous anos, renovable. Facilitaráselles o itinerario para facelo durante o período de vixencia do permiso de residencia e será nun emprego dentro da familia profesional para a que se formaron, garantíndolles a remuneración do salario mínimo interprofesional, fixado nestes momentos en 1.184 euros brutos mensuais, distribuídos en 14 pagas.
PROXECTO COLABORATIVO
O arraigamento por formación é unha figura que permite a colaboración entre as administracións públicas, os axentes sociais, o sector e as ONG. Ese traballo conxunto é esencial, xa que son as organizacións que coñecen de preto ao colectivo de inmigrantes as que lles informan do arraigamento por formación, enviándolles ao programa.
No caso concreto de Burela, a iniciativa de formar aos inmigrantes partiu da confraría de pescadores da localidade ante as dificultades que teñen para atopar nacionais que queiran embarcar e a urxente necesidade de man de obra.
O programa adquire así un dobre sentido. Por unha banda, contribúe a regularizar aos inmigrantes ofrecéndolles unha saída laboral e, por outro, tenta solucionar en parte o problema da falta de substitución xeracional no mar.
FOMENTAR A EMPREGABILIDADE
Entre os seus obxectivos de xestión, o ISM realiza actuacións para fomentar a empregabilidade no sector. A participación en feiras de emprego vai dirixida especialmente aos mozos, e o programa de arraigamento por formación pretende captar man de obra entre os estranxeiros.
Segundo a directora do ISM, Elena Martínez Carqués, o curso que comezou en Burela, xa se desenvolveu antes en Huelva, onde acaba de terminar unha terceira edición e formáronse en total 57 marroquís e senegaleses. En Tenerife un total de 40 menores migrantes participan nunha acción formativa para traballar no mar. Proceden sobre todo, de Senegal. Para a directora do ISM, “é unha fórmula boa para todos” e destaca que unha parte importante dos candidatos xa realizaron nos seus países de orixe actividades pesqueiras.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
