Ribadeo, 15 de xullo de 2025. Sanidade cubrirá todas as baixas e as vacacións dos médicos do centro de saúde de Ribadeo. Así llo deu a coñecer o conselleiro ao alcalde no encontro que mantiveron nas últimas horas.
O rexedor, Dani Vega, explicou que “mantivemos unha reunión de traballo co conselleiro de Sanidade para abordar diferentes cuestións relacionadas todas elas coa asistencia sanitaria aquí en Ribadeo. Neste encontro, no que tamén participou o xerente de área sanitaria de Lugo, que entendemos que era importante para trazar unha estratexia conxunta, é verdade que non é a primeira reunión, xa tivemos moitas antes”.
O alcalde dixo: “evidentemente nosoutros queremos construír un centro de saúde novo, si, pero somos conscientes e defendemos que debemos ter unha cobertura sanitaria acorde ao que é Ribadeo. Ata o de agora o que se está facendo é cubrindo todas as prazas de médicos que hai en Ribadeo, están cubertas, prevese entón unha boa situación asistencial, e tamén contar con persoal para cubrir as vacacións do pediatra. Isto era moi complexo, moi difícil e conseguímolo sendo constantes e sendo tamén moi esixentes coa Consellería porque non podíamos entender que non se cubrira a praza de pediatra. E é verdade que este problema non é única e exclusivamente en Galicia, senón en todas as comunidades autónomas hai bastantes problemas e nalgunhas delas estase cubrindo con médicos de familia, que tamén é bastante complicado conseguir. Pero neste caso Ribadeo ten unha boa noticia, cóbrense todas as prazas, todas as baixas e vacacións dos médicos, a do pediatra, que era moi importante, así tamén queda acreditado que se vai cubrir non soamente as vacacións do pediatra, senón todas as baixas por distintos motivos”.
Vega cre que “é moi boa noticia e vamos a seguir, digamos, sendo constantes, sendo esixentes e rigorosos para que a Xunta, para que a Consellería cumpra con Ribadeo. Evidentemente o Concello non ten ningunha competencia en materia sanitaria, pero si que temos a obriga de xestionar e de conseguir o máximo para Ribadeo. Tamén anunciar que nesta reunión, xa temos unha data fixada para ocupar os terreos do Centro de Saúde, que vai ser o 29 de xullo, e tamén vamos firmar xa o convenio, onde se van ceder eses terreos á Consellería de Sanidade para xa iniciar o proxecto e despois a continuación a construción do centro de saúde. Para isto, non temos a data cerrada, pero temos unha previsión que é na segunda quincena de setembro”.
O rexedor ribadense fixo unha valoración positiva do encontro: “creo que foi unha reunión positiva, unha reunión na que conseguimos dada a constancia e a esixencia coa Consellería, moitas cousas, e vamos seguir nesta liña de colaboración, unha liña de respecto mutuo, pero entendendo que o Concello ten a obriga de xestionar os maiores recursos sanitarios para Ribadeo e así ter unha cobertura asistencial en perfectas condicións”.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
