A responsable autonómica manifestou a oposición de Galicia ao recorte do 67% dos recursos destinados ás políticas pesqueiras comunitarias dos que Galicia, como principal rexión pesqueira de Europa, é unha das principais beneficiarias
Santiago de Compostela, 17 de xullo de 2025. A conselleira do Mar, Marta Villaverde, mantivo hoxe un encontro coa comisión Mar-Industria da Confederación de Empresarios de Galicia (CEG) no marco do diálogo constante e fluído que mantén a Administración autonómica co conxunto da cadea mar-industria. Alí, a responsable autonómica resaltou o peso económico da industria pesqueira na comunidade xa que representa ao redor do 5% do PIB, unha facturación de 11.600 millóns de euros e 50.000 empregos directos.
A titular de Mar abordou cos representantes empresariais a necesidade de artellar unha resposta conxunta ante a proposta da Comisión de recortar nun 67% os actuais fondos destinados a política pesqueira de cara ao novo marco financeiro comunitario. Así, pasaríase de 6.100 millóns do período 2021-2027, do que Galicia é unha das principais beneficiarias como principal rexión pesqueira de Europa con máis de 366 millóns, a 2.000 millóns para o comprendido do 2028 ao 2034. Marta Villaverde sinalou que é o momento de explorar todas as accións técnicas como políticas para impedir que saia adiante este cambio nos vindeiros orzamentos comunitarios.
Nesta liña, instou ao Goberno central a sumarse a esta liña de traballo para evitar, tamén, que a pesca deixe de ter un fondo propio e específico dado que é unha ferramenta imprescindible para abordar os retos actuais aos que se enfronta o sector pesqueiro. A descarbonización da frota, a remuda xeracional, a promoción do consumo ou o impulso da economía azul son desafíos que requiren un reforzo destes recursos que permitan abordalos con éxito. Unhas demandas que foron trasladadas en reiteradas ocasións ao comisario de Pesca e Océanos, Costas Kadis. A última ocasión no marco da súa visita a Galicia celebrada a pasada semana.
Marta Villaverde recordou que, en todo caso, o novo marco financeiro debe ser aprobado no Parlamento europeo polo avogou por facer unha fronte común que permita dar un xiro ás intencións da Comisión. Nesta liña, manifestou que a complexidade do contexto xeopolítico actual non pode ser a coartada para retroceder na aposta por unha industria que ten un papel fundamental á hora de garantir a soberanía alimentaria e como provedor de alimentos de altísima calidade. Así, valorou como contraditorio que á vez que os orzamentos medran ata os 2 billóns de euros, fronte ao 1,2 billóns actuais, se propoña o recorte aos recursos en política pesqueira cando debería continuar sendo unha liña de investimento prioritaria.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
