O delegado supervisou o acabado final do proxecto ao que se destinaron preto de 400.000 euros para recuperar a servidume de tránsito entre Os Castelos e a praia de Fomento
O Vicedo, 17 de xullo de 2025. O delegado en Galicia, Pedro Blanco, puxo en valor no Vicedo o compromiso do Goberno coa recuperación e mellora do litoral galego durante a visita ao novo sendeiro litoral entre Os Castelos e a praia de Fomento. O delegado estivo acompañado pola subdelegada do Goberno en Lugo, Isabel Rodríguez, o alcalde do Vicedo, Jesús Novo, e o xefe da Demarcación de Costas de Galicia, Carlos Gil.
“O sendeiro que hoxe inauguramos simboliza perfectamente a nosa aposta por un litoral público, sustentable e accesible. Falamos dun investimento próximo aos 400.000 euros que abre un novo espazo para o desfrute da cidadanía, nun enclave de enorme valor natural e turístico”, destacou o delegado.
A actuación, executada polo Servizo Provincial de Costas e a Demarcación de Costas en Galicia, recupera a conexión entre dous espazos naturais emblemáticos deste concello da Mariña lucense, cun percorrido de 395 metros e un trazado accesible e integrado na paisaxe.
Pedro Blanco subliñou ademais que esta obra é unha máis das múltiples actuacións que o Goberno de España vén impulsando na costa lucense nos últimos anos, con intervencións tan significativas como a restauración de ecosistemas dunares ou a creación de sendeiros en Foz e Barreiros.
“En total, levamos investidos máis de 5,5 millóns de euros en proxectos promovidos por Costas na provincia de Lugo desde 2018, cun obxectivo claro: preservar o noso patrimonio litoral, mellorar o seu estado ambiental e abrir estes espazos á cidadanía en condicións de calidade e seguridade”, afirmou.
Melloras no Vicedo
O sendeiro peonil entre Os Castelos e a praia de Fomento, cunha lonxitude de 395 metros e un ancho medio de 2 metros, foi deseñado para garantir a accesibilidade con pendentes suaves e un percorrido que pon en valor a riqueza paisaxística da zona. A actuación permite recuperar a antiga servidume de tránsito, mellorando a mobilidade peonil e favorecendo o uso público dun enclave costeiro de grande interese ambiental.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
