Os deputados do Grupo Provincial Popular preguntarán no pleno de mañá directamente ao presidente “canto nos vai custar aos veciños da provincia de Lugo a tregua temporal do Partido Socialista para que José Tomé poida seguir á fronte do goberno da Deputación?”
Lugo, 28 de xullo de 2025. Os deputados do Grupo Provincial Popular preguntarán no pleno de mañá “canto nos vai custar aos veciños da provincia de Lugo a tregua temporal do Partido Socialista para que José Tomé poida seguir á fronte do goberno da Deputación?”.
Así o explicaron o voceiro popular na Deputación, Antonio Ameijide, e a presidenta do PP de Lugo, Elena Candia.
Antonio Ameijide indica que “todos os lucenses merecemos ter luces e taquígrafos” na Deputación de Lugo, en referencia a que “José Tomé ten a obriga de explicar claramente que pactou para seguir á fronte da Deputación de Lugo e do Partido Socialista”.
O popular explica que “é coñecido que no PSOE a José Tomé non o quere ninguén, agás aqueles aos que é capaz de comprar cada venres cos cartos de todos os lucenses” motivo polo que “todos os lucenses merecemos explicacións: saber que comprometeu a cambio de seguir sentado nese sillón”.
E precisamente esas son as respostas que o presidente da Deputación ten a obriga de dar no pleno de mañá: “Canto nos vai a custar aos lucenses esa tregua temporal dentro do PSOE; que lle prometeu aos deputados e alcaldes que non o apoian; e canto nos vai a levar pagar esta débeda de José Tomé para que poida seguir á fronte da Deputación e do PSOE lucense”.
“Nestes dous anos de goberno de PSOE e BNG a provincia perdeu moito tempo. A residencia de Becerreá pechada por capricho político, outras con ritmos de construción ridículos e os centros de día sen poñer en servizo. Nula política industrial e de captación de empresas, sen apoio aos emprendedores. As estradas provinciais seguen abandonadas, renunciaron a ser o motor turístico da provincia… Insisto, dous anos perdidos para os lucenses”, sentenciou Ameijide.
MÁIS TENSIÓN NA DEPUTACIÓN CON JOSÉ TOMÉ
A presidenta do PP de Lugo, Elena Candia, recorda que “cando José Tomé asumiu a presidencia da Deputación dixo que quería recuperar a normalidade democrática para a institución”, pero o acontecido nas últimas semanas “cando tres dos seus deputados non asisten a un pleno e impiden, evidentemente, que saían adiante os acordos que impulsa o propio Tomé, a normalidade non existe”.
Elena Candia incide en que “tras unha xornada absolutamente esperpéntica, venderon á cidadanía que chegaron a un acordo” simulando que a situación se reconducira, “pero os acordos das xuntas de goberno da Deputación evidencian o que é a todas luces un pacto oculto”.
“Por iso queremos que explique á cidadanía que acordou José Tomé cos deputados do partido socialistas. Canto lle vai a custar a todos os lucenses a súa falta de entendemento, a súa falta de empatía e a súa actitude ditatorial, que así é definida polos seus propios compañeiros”, sentenciou.
PRIMEIRAS CUOTAS
Dende o Partido Popular sinalan que, pese a que José Tomé non fixo público o pacto ao que chegaron, “as primeiras cuotas xa se pagaron” en relación ao convenio asinado hai uns días entre a Deputación e o Concello de Castroverde por valor de 562.677,58€ e a suba da dedicación ao deputado Iván Castro, que pasou de ter unha dedicación ao 50% a unha ao 75%.
“Está claro que José Tomé ten unha crise interna aberta dentro do PSOE e que está a usar os cartos de todos os lucenses para tentar calmar as voces internas que critican diariamente a súa xestión”, sentencian.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
