As dúas feiras desenvolveranse do 1 ao 3 de agosto con degustacións gastronómicas, concertos, actividades culturais e propostas para todos os públicos
Burela, 31 de xullo de 2025. O Concello de Burlela acolle esta fin de semana a XXXIX Feira do Bonito, unha das citas máis emblemáticas do verán na Mariña lucense que mestura gastronomía, cultura e lecer para todos os públicos. Esta feira, organizada pola Asociación Ledicia, chega á súa trixésimo novena edición consolidada como un referente turístico e gastronómico de Galicia.
A programación comeza o venres 1 de agosto coa inauguración oficial da Feira Produart, organizada pola Fundación Expomar e que xa alcanza a súa vixésimo terceira edición. Este acto inagural contará coa presenza da alcadesa Carmela López; a conselleira do Mar da Xunta de Galicia, Marta Villaverde; e o deputado da área de recursos sotibles da Deputación Provincial de Lugo, Francisco Cajoto.
Ao longo do sábado e domingo, a protagonista será a gastronomía con degustacións continuadas de pratos elaborados co peixe rei da localidade. O sábado, o público poderá gozar do clásico bonito cocido, á grella ou en empanada, ademais da tradicional tapa de salpicón.
O domingo, unha das grandes novidades será a presenza da enfariñada de Trabada con bonito, unha receita tradicional que se incorpora ao menú grazas á colaboración directa co Concello de Trabada e que se servirá xunto co marmitako, con opción sen glute. As degustacións abrirán ás 13:30 h.
A música tamén será protagonista coas sesións vermú a cargo de Toxo Guayaba (sábado) e Carlos Bau & 80 Razones (domingo), e cos concertos da noite do sábado, que inclúen a actuación de Maricarme, Enol e DJ Pepu.
Xunto á parte gastronómica e cultural, haberá actividades infantís, deportivas e propostas para todos os públicos, facendo da Feira do Bonito unha cita imprescindible do verán galego.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
