Navia, 1 de agosto de 2025. O Concello de Navia formalizou este venres en Oviedo a sinatura do convenio de colaboración co Principado de Asturias para a integración da Escola Infantil Municipal Pinín na Rede Autonómica de Escolas Infantís, coñecida como Les Escuelines / As Escolias.
Este convenio entrará en vigor o próximo 1 de setembro e supón un paso importante no compromiso institucional por reforzar a educación na etapa de 0 a 3 anos. A Escola Pinín formará parte das 22 primeiras escolas municipais asturianas que se incorporan a esta rede autonómica, tras cumprir con todos os requisitos establecidos pola nova Lei 5/2024 do Principado de Asturias e achegar a documentación necesaria en tempo e forma.
Desde o Concello de Navia ponse en valor o esforzo municipal realizado durante todos estes anos, xunto ao compromiso e profesionalidade do persoal educativo do centro, que fixeron posible un servizo con nivel de excelencia recoñecido polas familias e a comunidade educativa do concello.
A integración nesta rede autonómica garante a continuidade e reforzo dun modelo educativo de calidade, e forma parte da estratexia do Goberno do Principado de avanzar na universalización e mellora do primeiro ciclo de Educación Infantil en todo o territorio asturiano.
As escolas de 0 a 3 anos supoñen un reforzo fundamental ao sistema educativo, cuxa calidade é clave para o desenvolvemento e o futuro da nosa comunidade. Desde o Concello de Navia mantense o compromiso cunha oferta educativa diversa e de calidade, en colaboración con todas as iniciativas que contribúan ao benestar da infancia e as familias do concello.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
