Os deputados do Partido Popular cren que “se confirma que tiñamos razón cando advertíamos da situación deste centro de atención a maiores e da falta de xestión por parte do goberno provincia e algo raro segue pasando”
Trabada, 6 de agosto de 2025. “Co nomeamento de tres coordinadores na residencia de Trabada en menos de tres meses, confírmase o que advertíamos dende o Partido Popular: a existencia de problemas neste centro de atención a maiores pertencente á rede da Deputación de Lugo”, segundo subliña o deputado provincial e portavoz do PP de Trabada, José María Fernández.
“Mentres que PSOE e BNG dicían que todo estaba ben e intentaba tapar todo en resposta ás nosas preguntas; por unha banda, dende o Grupo Popular destapabamos numerosas queixas das familias dos usuarios e das traballadoras e ata denuncias e, por outra, o propio goberno provincial cesaba á coordinadora”, explica.
Tras nomear novo responsable por un período de dous meses, agora o centro conta con outra coordinadora distinta. “Esta falta de estabilidade no posto que debe realizar as tarefas de coordinación do centro evidencia que a situación non é regular e que falta xestión por parte do goberno provincial”, segundo manifestan os populares.
José María Fernández cre que “o goberno provincial debe dar explicacións sobre os motivos polos que cambiaron tantas veces en tan pouco tempo a figura que dirixe a residencia de Trabada”. Os populares inciden en “esixir transparencia na xestión” e “que se garanta o cumprimento do prego de condicións da licitación e do convenio colectivo das traballadoras”.
Fernández engade que “o Concello tamén é responsable da residencia” e a pesar de que “vimos advertindo da situación da residencia dende fai moito tamén nos Plenos do Concello de Trabada; o alcalde limitábase a acusarnos de mentir, en lugar de estudar as melloras que foran necesarias”.
Así, dende o Partido Popular “continuaremos vixiantes e esixindo a mellora da xestión do servizo” porque “a atención ás persoas debe ser una prioridade”, puntualiza.
SEN O CENTRO DE DÍA COMPROMETIDO
O goberno de PSOE e BNG sacaban a licitación a finais de xullo o servizo residencial no centro de atención a maiores de Trabada, pero no prego non recollen o servizo diúrno. É dicir, “o goberno provincial que prometera o centro de día nas mesmas instalacións que a residencia volve perder a oportunidade de poñer en marcha este servizo que xa debera estar en funcionamento dende que abriu ao público esta infraestrutura” pertencente á rede de centros de maiores da Deputación.
“PSOE e BNG non teñen intención de abrir ese servizo nin na residencia de Trabada nin no resto de residencias da rede provincial privando a 153 familias da provincia -20 prazas en Trabada- dun servizo que favorecería a conciliación ao mesmo tempo que unha atención especializada para os seus maiores”, explica.
E, ademais, “o alcalde e o goberno local do PSOE votaron en contra de esixir ao goberno provincial a súa apertura, como pedíamos dende o PP de Trabada no último pleno”.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
