O Presidente, José Tomé Roca, vén de asinar no Pazo de San Marcos un convenio de colaboración co presidente da Unión Leiteira Galega, José Manuel Liste Liñares, para manter a asistencia técnica e legal gratuíta que ofrece Ulega aos produtores da provincia
Lugo, 6 de agosto de 2025. O Presidente da Deputación de Lugo, José Tomé Roca, vén de asinar en San Marcos un convenio de colaboración co presidente da Unión Leiteira Galega (Ulega), José Manuel Liste Liñares, para manter a asistencia técnica e legal gratuíta que ofrece esta entidade aos produtores de leite da provincia. Un servizo de asesoramento no que a institución provincial inviste 60.000€.
“Esta achega permite costear un servizo fundamental nun momento crítico para o sector leiteiro”, valorou o mandatario provincial, quen explicou que as tensións que existen polas cantidades producidas e os prezos pagados xeran “incerteza” e “desequilibrios no mercado” dunha actividade “que ten un peso específico moi importante para o noso territorio polo que impacta na economía, emprego e demografía”. Segundo as cifras de Ulega, os prezos percibidos polos produtores de leite en Lugo “son historicamente dos máis baixos do conxunto do Estado, sendo unha das provincias líderes no número de explotacións, volume de produción e industrias de transformación”.
Concretamente, esta colaboración beneficiará ás 579 explotacións leiteiras da provincia de Lugo que son membros de Ulega. Porque o investimento da Deputación de Lugo permitirá sufragar os gastos de funcionamento durante o ano 2025 do equipo técnico que se encarga das comisións negociadoras dos gandeiros e cada unha das industrias e primeiros compradores; e de optimizar os custos de produción e estabilizar os prezos de produción das explotacións.
Na actualidade, Ulega conta con 10 oficinas na provincia, nos concellos de Becerreá, Chantada, A Fonsagrada, Guitiriz, Lugo, Monterroso, Monforte, Sarria, Vilalba e Viveiro. Desde elas, e mediante o acordo coa Deputación de Lugo, preténdense incrementar o poder de negociación dos produtores e reducir os custes na produción de leite.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
