O acto terá lugar este venres 8 de agosto ás 19:00 no adro da capela e no mesmo presentarase o programa da romería
Celeiro de Mariñaos, Barreiros, 6 de agosto, 2025. A Asociación Veciñal e Cultural “Irmandade San Caetano”, organizadora da romería homónima e na que se celebra tamén a Festa da Tortilla que este ano vai xa na XXVIII edición, anuncia que o próximo venres 8 de agosto terá lugar a presentación da romería, este ano coa novidade da introducción da figura do pregoeiro, que recae na persoa de Emilio López “Celeirao” (Pousada – Lourenzá, 1973), coñecedor da romería e participante na mesma en varias ocasións en diferentes formatos musicais.
Amplo curriculum musical do pregoeiro
Emilio López comeza a súa andaina musical polo ano 1994 co grupo musical Skornabois, do que participa na composición musical e dos textos. Editaron dous traballos “O verme homicida” Demo, ano 1997 (Chorima Edicións) “Skornabois” Disco, ano 1998 (Chorima Edicións).
Logo entrarían a formar parte con un tema inédito “Plantate” 1999 na Revista Bravú.
No ano 2001 funda con Xermán Viluba e Arturo Vaquero o proxecto “Safari Orquestra”.
Ano 2005 Compón xunto con Arturo Vaquero, a banda sonora da película para TVG “A Biblioteca da Iguana” de Antón Dobao.
Ano 2008 participa no programa de TVG “Somos unha Potenzia” Dirixido por Carlos Blanco; do que se encargaría da música orixinal de cada programa.
Ano 2010 sae a luz o disco “Ben Deitei” Ouvirmos Edicións, da Safari Orquestra do que se encargaría da produción, textos e composición musical.
Actualmente traballa como productor, DJ e creación de eventos socio-culturais.
A figura do pregoeiro/a terá continuidade nos vindeiros anos
Desde a Asociación Irmandade San Caetano explican o motivo de instituir a figura do pregoeiro nesta romería manifestando a súa intención de que se consolide nos vindeiros anos, e para eso nomearase pregoeiro ou pregoeira a persoas vinculadas coa romería ou coa parroquia e que poidan facer aportacións interesantes á súa historia e á súa cultura, o que redundará en beneficio de todxs.
A arte sempre presente na romería e na difusión da mesma
No acto de presentación da romería estará tamén o deseñador gráfico autor dos carteis e demáis elementos de difusión da mesma, David Ribas Pena, que nos últimos anos se encarga desta importante labor achegando a través da cartelería cadros de artistas clásicos. “E este ano sorprenderános gratamente unha vez máis coa súa creación” afirman desde a asociación.
Proba da tortilla e petiscos
Ao remate dos actos de lectura do pregón e de presentación do programa haberá un refrixerio con petiscos e a “proba” da tortilla para ir facendo boca.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
