Denuncian que están desmantelando a maquinaria da imprenta de As Pontes que hai persoal alleo á empresa traballando
As Pontes, 6 de agosto de 2025. O comité de Einsa Print compareceu esta mañá para anunciar a impugnación do Expediente de Regulación de Emprego (ERE) presentado pola empresa de As Pontes, por considerar que carece de xustificación e vulnera os dereitos das traballadoras e traballadores.
Segundo explica o secretario comarcal da CIG-Industria de Ferrol, Vicente Vidal, “a propia autoridade laboral cuestiona as causas, o procedemento e as formas do ERE, xa que a empresa non presentou documentación que acredite os supostos contratos perdidos nin os cálculos económicos”. Ademais, critica que “non se entregou a documentación completa e auditada do ano 2024, esencial para avaliar a situación”.
Descapitalización
Vidal denuncia que a dirección da empresa fixo as cousas de xeito premeditado, “descapitalizando as instalacións da fábrica para desfacerse da actividade de artes gráficas e aproveitar a necesidade doutra empresa (Ence) de instalarse na zona de xeito urxente”.
Nese sentido apunta que todo parece indicar que “a intención da empresa é iniciar unha nova actividade especulativa, alugando ou vendendo instalacións adquiridas con axudas públicas”. Entende que “isto constituiría un posible pelotazo inmobiliario, aproveitándose de fondos públicos, sen cumprir as garantías de emprego”.
Nese contexto, anuncia que “os avogados dos sindicatos están traballando na impugnación do ERE ante a Audiencia Nacional, dado que a empresa ten un centro de traballo en Madrid”. Unha impugnación baseada na falta de documentación exixida e na inexistencia de causas sobrevidas.
Vidal subliña que o propio secretario xeral da Consellaría de Emprego e Industria “recoñece que as supostas causas do ERE non existen”. Explica ademais que hai un ERE por causas organizativas acordado co comité a febreiro do ano 26 que, ao seu entender, estase vulnerando. “Marcábase unha garantía de emprego até o 31 de decembro de 2026 e o que está claro é que non teñen moito interese en cumprilo”.
Fronte a isto, o persoal está disposto a loitar até o final para acadar a anulación do ERE e para evitar que Einsa Print eluda as súas obrigas.
A CIG-Industria exixe da Xunta de Galiza e do concello das Pontes “unha resposta contundente para protexer o emprego e evitar a especulación” e reafirma o seu compromiso coa defensa dos dereitos laborais e contra calquera intento de desmantelar a industria local.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
