A conselleira de Medio Ambiente e Cambio Climático participa nunha acción de sementeira de algas kelp en augas costeiras fronte ao municipio do Vicedo
O Vicedo, 9 de agosto de 2025. A Xunta traballa na recuperación e reforzo dos bosques mariños de algas laminarias (kelp) fronte á costa lucense, unha acción que se enmarca nun proxecto medioambiental máis amplo para a conservación e mellora dos ecosistemas mariños e das súas contornas no litoral de Galicia.
Así o explicou esta mañá a conselleira de Medio Ambiente e Cambio Climático, Ángeles Vázquez, que participou no operativo despregado fronte ás costas do Vicedo para realizar unha sementeira de algas mediante a aplicación dunha técnica de cultivo coñecida como green gravel (grava verde) e na que a Xunta conta coa colaboración da Universidade da Coruña (UDC).
Cun investimento total de 4,46 millóns de euros, financiados con fondos europeos do Next Generation UE, as actuacións céntranse en 12 Zonas de especial conservación (ZEC) da Rede Natura 2000 ao longo de toda a costa galega, espazos mariños que albergan hábitats prioritarios e nas que se están a acometer desde o ano 2023 diferentes accións para favorecer o desenvolvemento de aves en perigo de extinción, eliminar especies alóctonas, retirar lixo mariño e repoboar bosques de kelp, entre outras.
En concreto, os traballos para a recuperación das poboacións de algas laminarias consisten no uso de pequenas rochas recubertas con esporas de kelp cultivadas previamente en laboratorio e que logo se dispersan no mar para que as algas crezan sobre elas e se asenten. De feito, a acción levada a cabo esta mañá nunha zona próxima ao Fuciño do Porco, pertencente á ZEC Costa Mariña Occidental, requiriu do apoio dun equipo de mergulladores, que unha vez desprazados ata o punto escollido para a repoboación, depositaron as pedras no fondo mariño.
A conselleira explicou que coa de hoxe, xa son catro as zonas restauradas no litoral galego mediante a aplicación desta técnica —anteriormente actuouse na ZEC Costa da Vela, no Morrazo; na ZEC Ons-O Grove; e na ZEC Complexo Húmido de Corrubedo—, quedando pendentes as repoboacións nas ZEC Costa Ártabra e Ortigueira-Mera, previstas en ambos casos para o próximo mes de setembro.
Todos estes espazos foron escollidos pola necesidade de reforzar as poboacións existentes de kelp e tras terse constatado evidencias de que a especie está en declive nestas zonas. Ao respecto, Ángeles Vázquez avanzou que as primeiras algas sementadas na costa galega xa están crecendo e aínda que é pronto para facer unha valoración completa, si se pode concluír que o sistema de produción de laminarias funciona.
Cómpre subliñar que o retroceso dos bosques de kelp é un problema que se dá a nivel mundial debido ao cambio climático e a outras presións que afectan á especie, como a recolección, a contaminación, a sobreexplotación pesqueira (a falta de peixes herbívoros favorece o aumento doutras algas competidoras) ou a expansión de especies invasoras.
Este proxecto axudará a reforzar e recuperar as poboacións de kelp atendendo ao papel clave que xogan na loita contra o cambio climático, como sumidoiro de carbono natural, e a que tamén son o hábitat doutros organismos, actúan como base de ecosistemas mariños e axudan a protexer as costas da erosión e a manter a calidade da auga.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
