De todos é sabido o grao de participación da nosa alcaldesa nas redes sociais. Non pasa un día sen que comparta coa veciñanza a súa labor e xestións no Concello.
Vaia por diante que a nós parécenos moi ben que a señora López Moreno faga uso de tódalas ferramentas posibles para ternos informados, aínda que recoñecemos que ás veces botamos tamén en falta a mesma “intensidade informativa” por parte da nosa alcaldesa á hora de responder a preguntas e peticións formais formuladas por escrito e con rexistro de entrada.
Pois ben, hai uns días, a nosa primeira edil compartiu un video nas súas redes sociais -e tamén nos perfís do Concello- amosándonos diferentes construcións da vila que noutro tempo foron senlleiras para o noso pobo.
Así, ensinounos onde estiveran situadas algunhas tascas na Vila do Medio e na rúa Pascual Veiga (calle do Can); e tamén nos amosou a casa que puido ser o primeiro salón de baile, e onde se proxectou inicialmente a construción do que despois foi o Cine Mon…En resume, amosounos unha parte da Burela que xa foi.
Como dixemos, agradecemos este despregue instrutivo da nosa alcaldesa. Sempre é bo saber de onde vimos e como era a Burela do pasado, pero como mandataria pública que é, gostaríanos que en lugar de falar do que fomos non estaría mal que tamén nos falara do que pretende que sexamos. E se ten a ben, nós atrevémonos a darlle algunhas suxestións:
Non estaría de máis que volvera a dar unha volta pola Vila do Medio e se parara un anaquiño na nosa antiga Igrexa Parroquial. Estaría ben que nos falara das xestións que ten previsto facer o Concello -ou as que ten feito- para a conservación deste edificio histórico, porque dende a intervención que se fixera no ano 2006 para recuperar as súas pinturas (que por certo segue sen rematar) non se ten feito nada e atópase nun estado de deterioro preocupante tanto no exterior como no interior… Non será, talvez, que estea a agardar a que se deteriore máis aínda para poder facer outro dos seus videos e ensinarnos así outra edificación sobranceira da nosa vila que pasou a mellor vida?
Tamén viría ben que se pasara polo campo de fútbol da Marosa e nos dixera como están as xestións para acometer o amaño das gradas e dos vestiarios que levamos agardando dende hai anos. A este paso moito nos tememos que tamén será outra desas construcións singulares que esmoreceron no noso concello coa desidia e ineptitude dos que deberían de preservalas.
O mesmo acontece co Cabo Burela e cos terreos dos Castros onde se atopou o Torques e a Arracada castrexa. Sería fantástico que a nosa alcaldesa nos explicara se dende o Concello están a traballar para preservar e poñer en valor ese tesouro do noso patrimonio histórico que permanece esquecido. Se quere, pode tomar exemplo de concellos veciños coma Xove ou Cervo, onde están a desenvolver medidas arqueolóxicas e de consolidación nos castros de Portocelo e Rueta.
E por último, aproveitando que se molestou en amosarnos o edificio ruinoso que ía ser inicialmente o cine Mon, gustaríanos propoñerlle á señora López que o Concello negocie cos seus propietarios para adquirilo -ou explotalo a cambio do seu derrubo antes de que aconteza unha desgracia- e o adique para aparcamento público, dado á súa proximidade coa actual Igrexa Parroquial e por estar nunha zona deficitaria de aparcamentos como moitas outras do noso casco urbano.
En definitiva, creemos que é bon saber o que fomos e de onde vimos; pero aínda máis importante é ter claro o que queremos ser e ter gañas de conseguilo.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
