Lourenzá, 26 de agosto de 2025. Vilanova de Lourenzá celebra as festas do Conde Santo con diversas actividades desde este xoves, día 28 de agosto, ata o luns 1 de setembro.
Os actos comezarán o xoves 28 ás 19:00 horas coa representación teatral titulada Punto en boca: entre fíos anda o lío, por Raquel Crespo no Multiusos Ponte de Cuñas, onde ás 20:30 horas terá lugar o pregón a cargo de Isidro Rodríguez Loredo, coñecido como O Core.
O venres 29 desde as 17:00 horas haberá o Día da Bicicleta. E a partir das 21:30 horas celebrarase a cea baile Lenda do Conde no mosteiro de San Salvador, onde ás 23:30 horas actuará La Penúltima Sabinera (grupo tributo a Joaquín Sabina), con entrada gratuíta.
O sábado 30 ás 11:30 horas sairán os Cocos; ás 13:00 celebrarase misa solemne; ás 14:00 horas empezará a sesión vermú co grupo D-Kriss; ás 17:00 horas haberá partido de fútbol infantil que enfrontará a ED Lourenzá coa SD Burela; ás 18:00 sairán os Cocos e cabezudos; ás 18:30 comezará a mostra folclórica da asociación Osorio Gutiérrez, no claustro; ás 19:00 horas disputarase o partido de fútbol xuvenil entre a ED Lourenzá e a SD Burela; e ás 23:00 empezará a verbena co grupo D-Kriss e Alaska.
O domingo 31 sairán os Cocos ás 11:30 horas; ás 13:00 horas celebrarase misa solemne; ás 14:15 empezará a sesión vermú co grupo Da Silva; ás 18:00 horas disputarase o torneo de fútbol Conde Santo entre os equipos ED Lourenzá e Vegadeo CF; ás 18:30 volverán saír os Cocos; ás 20:30 horas haberá pasarrúas da Charanga de Carmiña; e ás 23:00 comezará a verbena co grupo Da Silva e América.
E o luns 1 de setembro sairán os Cocos ás 12:00 horas e ás 14:00 empezará a sesión vermú co dúo Epo-k.
As festas están organizadas pola asociación Conde Santo, coa colaboración do Concello de Lourenzá e da Xunta de Galicia.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
