Os populares defenden que “a Deputación está para colaborar con todos os Concellos en igualdade de condicións”; mentres que “PSOE e BNG insisten en discriminar aos Concellos gobernados polo PP que non poden acceder a fondos provinciais para sufragar gastos correntes ou actos culturais que si apoian con convenios a dedo só cos Concellos afíns ao Presidente”
Lugo, 3 de setembro de 2025. “Unha maior flexibilización para os Concellos á hora de dirixir os fondos do Plan Deputación é o que levamos tempo demandando dende o Partido Popular”, segundo subliña o portavoz, Antonio Ameijide. “Os poucos recursos que aporta aos Concellos máis pequenos a través do Plan Deputación que llelos deixe usar con máis liberdade”, engade.
O popular volve reivindicar esta “flexibilización” e “igualdade de trato para todos os concellos da provincia” tras ter coñecemento de que no convenio aprobado polo goberno de PSOE e BNG e asinado polo presidente Tomé e o alcalde de Taboada se inclúe unha partida de 15.000€ para sufragar gastos correntes coma os derivados de “actuación de música festiva nas festas patronais”.
Ameijide advirte da “discriminación” aos concellos gobernados polo Partido Popular que “non poden sufragar gastos correntes en xeral ou incluso eventos culturais ou actuacións con fondos provinciais porque as bases do Plan Deputación, o único que perciben e a máis obxectiva das ferramentas da Deputación de Lugo para cooperar cos Concellos, non o permiten”. Polo tanto, “PSOE e BNG impiden que a metade dos Concellos poidan sufragar actividade diaria nos concellos con achegas da Deputación” toda vez que “non poden acceder ao resto de fondos que o goberno de PSOE e BNG si reparte a dedo entre os seus amiguetes a través de convenios directos e opacos”.
O portavoz popular subliña que “unha das competencias da Deputación é precisamente cooperar cos Concellos” -especialmente cos de menor capacidade económica-, pero reivindica “o mesmo trato para todos os Concellos da provincia e tódolos veciños e veciñas. O que está a facer en realidade o goberno de PSOE e BNG é dividir aos lucenses en veciños de primeira e veciños de segunda”. De feito, “esta diferenciación tamén a observamos no ámbito socio-sanitario tras aprobar o goberno de PSOE e BNG un coste da praza na residencia de Becerreá de 10.000€ máis ao ano a cada usuario que noutros centros da rede provincial”.
“APOIO AOS AMIGUETES E COMPRA DE VONTADES POLÍTICAS”
Ameijide explica que “Tomé leva máis de dous anos rescatando aos seus amiguetes cos fondos de tódolos lucenses converténdose, incluso, en cómplice da mala xestión dalgúns alcaldes socialistas”. Pero, “ultimamente, vimos outro comportamento novo: convenios a dedo cos alcaldes do PSOE que non son tan amigos, pero aos que precisa para seguir á fronte da Deputación de Lugo e, incluso, do propio PSOE lucense. É o prezo da tregua temporal dentro do PSOE de Lugo despois de que tres deputados socialistas se ausentaran do Pleno de xuño deixando ao goberno provincial en minoría”.
Deste xeito, “pode dicirse que Tomé segue o modelo de Pedro Sánchez de contentar aos socios necesarios coa diferenza de que Tomé ten que contentar, incluso, aos de dentro do seu propio partido. Tomé non deixa de comprar vontades políticas coa chequeira da Deputación”, conclúe.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
