Burela, 5 de setembro, 2025. Comeza a liga na 1ª División Iberdrola FS e o renovado equipo do CD Burela FS estréase ante todo un xigante, o Melilla Ciudad del Deporte, ás 18.30h en Vista Alegre. Tras unha breve pretempada na que se puideron probar en 3 encontros, o primeiro ante o Bembrive FS no que o conxunto pontevedrés venceu ás burelenses por 2-1, o segundo ante o 5Coruña FS en Vista Alegre gañando por 4-0 e finalmente, o pasado luns día 1 ante o Valdetires FSF, no que o resultado final quedou en 3-2 para as ferrolanas, cun Burela que case remonta o encontro na segunda parte.
Encontros de pretemporada que serviron para poñer un moi xove aínda que talentoso equipo a proba e que servíu de aprendizaxe para comezar a longa competición ligueira que nos próximos meses serán clave para a permanencia do equipo en primeira división. Comezando ante un dos máis duros partidos da tempada, este sábado a cita para a marea laranxa na bomboneira é obrigatoria. O equipo precisa de todo o apoio posible para este complicado partido.
Análise de pretempada
Falamos coa técnica ferrolana, Belén Feal, que se mostra satisfeita co traballo realizado durante este período, “Levamos pouco tempo traballando pero a volarción é positiva. A idea non era outra que arrancar, con moita ilusión e moito traballo e estamos cumplindo”. As súas espectativas de cara a tempada, “ir sumando experiencia e traballo. A nosa intención é integrar a todas esas xogadoras que veñen do filial nunha plantilla completamente renovada. Crear un grupo compenetrado no que permaneza a unión e o traballo en equipo”. Apreciando as vantaxes de contar con tantas xogadoras da canteira e da comarca, “o sentimento de pertenencia é algo moi importante. É algo que moitas veces hai que xenerar e intentar que os xogadores/as o adquiran e neste caso moitas xa son daquí e eso axuda moito no aspecto motivacional, a conectar cos afeccionados. Creo que é un plus”. Sobre a pretempada e os partidos desputados saca conclusións positivas, “as conclusións que sacamos son positivas xa que o equipo estase adaptando ben, hai unión entre elas, hai compañeirismo e eso é algo moi importante e que nos interesa moito. O resultado era o que menos importaba.” Moi satisfeita cos seus compañeiros/as do corpo técnico, “é unha marabilla, estou encantada con todos os meus compañeiros, todos botan unha man. Eu son nova aquí e dende o primeiro momento sentinme coma na casa, agradézcollelo a eles. Sabemos que temos un longo e duro camiño por diante pero o grupo humano é moi bo e eso para min é moi importante”.
Sobre o Melilla e a liga
Empezamos a liga ante dous dos equipos máis competitivos da categoría, “ao final vainos tocar xogar contra todas. Si que é interesante comezar así porque si que é unha maneira de ver ao equipo, de ver como afrontan certas situacións que van ser complicadas e que van ser máis de unha e de dúas. Neste aspecto é superimportante a actitude, e vainos vir ben para poñer os pés na terra e para moitas de nós ver que estamos en primeira división e que vai ser duro. Comezamos co Melilla pero todos os partidos van ser complicados, partindo de iso, con humildade e traballo sacarémolo adiante”. Sobre o primeiro encontro “espero un equipo moi forte, son xogadoras con moita calidade como sabemos todos, pero nós temos que centrarnos no noso traballo independentemente das xogadoras ás que nos imos enfontar. Traballar serias e con compromiso”.
O importante, crear un equipo con identidade, “na identidade é no que máis estamos traballando, estamos buscando ter un equipo guerreiro, loitador, valente. Contamos con xogadoras xoves e temos que tirar de orgullo e ir cara adiante, con actitude sempre. Que a pesar do resultado, a pesar de como acaben os partidos e de que haxa momentos máis difíciles ou máis fáciles, tirar de orgullo e de coraxe e devolver a toda a xente que vén vernos a Vista Alegre e que nos está apoiand,o o que merece”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
