Ribadeo, 5 de setembro de 2025. Ribadeo recibe un dos premios Deporte Galego 2024, concedidos pola Xunta, neste caso a unha entidade de carácter público. Os galardóns serán entregados nun acto que se desenvolverá no Centro Galego de Tecnificación Deportiva, en Pontevedra, o vindeiro 10 de setembro.
O alcalde, Dani Vega, amósase moi satisfeito por este recoñecemento: “moi satisfeitos e moi contentos de que a Xunta destacara que o Concello de Ribadeo é a institución municipal, é o Concello de toda Galicia que mellor xestionou o deporte. Iso non é grazas simplemente ao Concello, ao técnico de Deportes (Iván) ou a Fran, o concelleiro de Deportes, é porque é un traballo conxunto coas entidades, cos clubs, coas asociacións que fan un traballo constante e continuo, que poñen parte do seu tempo, da súa vida persoal, á que lle sacan horas para entregarllas ao deporte e a tantas nenas e nenos que están na práctica deportiva”.
O rexedor declarou: “moitas grazas a todos porque realmente sodes os merecedores desta condecoración ou poñer de manifesto que si facemos as cousas conxuntamente saen mellor. O Concello fai todo o posible, é verdade que custa moito porque o orzamento é o que é e temos que chegar a todos. Con traballo continuo e con esa dedicación permanente Ribadeo vai seguir poñendo de manifesto que o deporte é algo fundamental, que é algo moi importante. E eu creo que unha institución teno que xestionar ben e isto o que nos acredita é que nestes dous anos houbo un incremento das actividades deportivas. Nosoutros pensamos e defendemos que o deporte é algo estratéxico, a práctica do deporte é fundamental, pero tamén hai que velo como un elemento dinamizador da vila e fundamental para Ribadeo”.
Vega dixo que “entre todos seguiremos traballando. Felicitar a todas as entidades deportivas, clubs, asociacións. Felicitar tamén a Iván, o técnico de Deportes e a Fran, o concelleiro, porque así é como se fan as cousas conxuntamente e seguir loitando para continuar mellorando as instalacións. Nestes momentos estamos mellorando o pavillón da rúa Alfredo Deaño e tamén hoxe anunciamos a mellora de toda a instalación do pavillón de Cubelas, é dicir nova cuberta, novo alumeado, pintado da pista e novo cerramento dos laterais. Así é como se deben facer as cousas, non tan rápido como queremos, pero si pouquiño a pouco poñendo todo o orzamento e destacar que a Xunta de Galicia nos axuda moitísimo a que isto sexa posible. Seguir así, traballando que así é como Ribadeo avanza”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
