O xornal tróuxonos a nova: o concello de Mondoñedo vai a proclamar Fillo Adoptivo a Juan Puchades Quiles, o mestre escultor que leva medio século na vella cidade non só impartindo as crases senon vivindo intensamente os avatares da súa sociedade.Chegara o valenciano en decembro do ano 1960 para tomar posesión da praza como profesor da Arte do Instituto.Tras dous días de estadía, nos que puido mergullarse en toda a beleza da cidade da Paula e no grande interese histórico e cultural que atesoura, voltou á Valencia da súa orixe, facendo propósito de esquecerse de Mondoñedo pois, con toda a súa innegable fermosura, resultáballe estrano á súa terra, mais cálida e luminosa; pero unha serie de circunstancias propiciaron que reconsiderase aquela intención inicial e volvese á cidade episcopal, na que considera a mellor decisión da súa vida, valoración que expresa a cotío e á que estamos seguros que non foi alleo Cupido, que puxo no seu camiño todo o engado dunha muller excepcional: Alicia Tella.
Como ensinante ó longo de tantos anos realizou un labor transcendente: basta só saber a cantidade de discípulos seus que se espallan por toda a bisbarra e fóra dela, moitos deles nomes destacados no mundo da arte, que gardan para o mestre a mellor lembranza de gratitude, afecto e respecto, como a cotío podemos testemuñar os que mantemos con él unha relación próxima e entrañable.
Traballador, altruista, xeneroso para colaborar en toda iniciativa social e cultural, as súas obras prodíganse ó longo da xeografía galega, e mais alá, e o seu nome vai sempre vencellado ó da cidade que ahora o vai adoptar oficialmente como fillo. A tal punto é así que mais dunha persoa, pouco impostas en tal circunstancia, e ante a noticia da próxima adopción, nos preguntaron; pero Puchades ¿non é de Mondoñedo? A “vox pópuli” xa o da por mindoniense, tal é o grao de identificación da súa persoa coa fauna humana da nosa comarcal “cidade da cultura”.Este cronista, a quen o une unha fonda e vella amizade, celebra con ledicia o distingo, que o fai un pouco mais noso. Parabéns.
Suso Fernández
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
