Os deputados populares, xunto ao alcalde e o tenente alcalde da localidade, Darío Cabaneiro e Marcos García, e concelleiros do PP coñeceron de primeira man todas as posibilidades de crecemento económico que ofrecen estas instalacións, únicas na provincia, e que supoñen “un punto de atracción e diferenciación para a captación de visitantes e empresas” para este municipio
A Pastoriza, 15 de setembro de 2025. Os deputados do Grupo Provincial Popular coñeceron de primeira man todas as posibilidades de crecemento económico que ofrece o circuíto que hai na Pastoriza, unhas instalacións únicas na provincia e que supoñen “un punto de diferenciación e de atracción” para este municipio.
O voceiro provincial popular, Antonio Ameijide, puxo en valor “as enormes posibilidades” que ofrece esta instalación xa que “ademais de dinamizar o municipio e de ser un motor económico, supoñen un punto de inflexión xa que ademais contribúen a mellorar a seguridade viaria ao formar cada ano a centos de condutores”.
Os deputados populares coñeceron todas as actividades que se realizan neste circuíto, que acolle a centos de usuarios cada ano, ben sexa para realizar cursos de perfeccionamento na condución para mellorar a seguridade viaria, corrixindo erros adquiridos ao longo do tempo así como para aumentar a destreza e capacidade de reacción ante imprevistos na condución.
Ademais, numerosos pilotos profesionais, ben sexan de transporte de viaxeiros, mercadorías ou de competición, acoden a estas instalacións para continuar coa súa formación adquirindo destrezas específicas.
Antonio Ameijide insiste na necesidade de “poñer en valor e potenciar” unhas instalacións únicas na provincia “capaces de dar novas posibilidades a un municipio eminentemente rural, pero que gracias ao traballo diario ofrece novas vías de crecemento económico”.
Este circuíto supón unha oportunidade de crecemento para A Pastoriza, xa que non só está orientado á formación de condutores, senón que tamén é unha referencia a nivel nacional e internacional para a proba e posta a punto de novos modelos de vehículos, tanto de rúa coma de competición.
Ademais, estas instalacións son un dos piares económicos sobre os que recae o crecemento deste concello lucense xa que, dada a gran afección ao deporte do motor que hai en Galicia atrae a numerosos afeccionados xa que se celebran todo tipo de competicións (coches, motos, karts….) e tamén é un lugar no que os pilotos compiten, adestran e perfeccionan as súas habilidades, tanto en solitario coma coa axuda de formadores en condiciones de total seguridade.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
