O prazo para xustificar as axudas remata o 1 de outubro
Vilalba, 15 de setembro de 2025. A alcaldesa de Vilalba, Marta Rouco, vén de informar da resolución das axudas para a adquisición de material escolar destinadas ao alumnado de Educación Infantil, das que se beneficiarán nesta ocasión 121 familias vilalbesas.
Unha vez finalizado o período de presentación de solicitudes e comprobado o cumprimento das bases, o concello resolveu favorablemente a concesión destas 121 axudas para a adquisición de material escolar do alumnado de 3 a 6 anos, o que supón un investimento de 9.900 euros con cargo ás arcas municipais.
“Medra con respecto ao ano anterior o número de familias de Vilalba que se benefician destas axudas”, asegura a alcaldesa, que explica que se trata “dunhas axudas que xurdiron para cubrir os gastos de material escolar dunha franxa de idade que non conta con achegas de ningunha outra administración”.
A contía de ditas axudas divídese en dous tramos, 75 ou 100 euros, dependendo da renda per cápita das familias solicitantes, e o prazo para xustificalas remata o 1 de outubro.
“As familias poderán investir estas axudas na compra tanto de libros de texto como de calquera outro material escolar, incluídos por exemplo os mandilóns; o que deben lembrar é que teñen que xustificar os gastos sempre mediante factura”, engade Marta Rouco.
Listado de beneficiarios/as no taboleiro de anuncios do Concello de Vilalba: https://vilalba.sedelectronica.es/board
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
