Lugo, 16 de setembro 2025. O PSdeG-PSOE na provincia de Lugo condena con firmeza o ataque sufrido contra a súa sede provincial, que apareceu cunha pintada ofensiva no portal. Os socialistas cualifican este feito como un “atentado contra a liberdade política e de expresión” e xa presentaron a correspondente denuncia ante a Policía Nacional.
Na pintada podía lerse “Rojos de mierda”, unha mensaxe que, segundo denuncian os socialistas, busca sementar odio e intimidación contra quen defende ideas progresistas.
A Secretaria de Organización provincial, Pilar García Porto, advirte que “estes feitos son o eco dos argumentarios da dereita e da extrema dereita, unha mostra de violencia democrática que sufrimos e que condenamos con absoluta rotundidade. Non falamos só de violencia física, tamén da verbal e simbólica, como estas pintadas, que pretenden sementar odio e reproducen a mensaxe radical da ultradereita”.
Do mesmo xeito, os socialistas engaden que “estes actos evidencian a covardía de quen os comete, porque actúan ao amparo do anonimato. Non dan a cara para defender os seus argumentos en política e recorren a pintadas absurdas. Só saben empregar a violencia como modo de expresión”.
García Porto lembra que “non é a primeira vez que isto sucede. Rexeitamos ás persoas que o fixeron, porque representan unha actitude e un comportamento que nada teñen que ver co diálogo nin co respecto político. Non é o tipo de política que defendemos nin a que queremos para o noso país”.
Desde a dirección provincial socialista subliñan que o PSOE é “o partido de maior historia deste país, con máis de 140 anos de traxectoria ao servizo da cidadanía, comprometido coa defensa da liberdade, da convivencia e do respecto fronte a quen pretende impor o insulto, a crispación e a intolerancia”.
“A nosa resposta sempre será máis democracia, máis diálogo e máis compromiso coa sociedade”, conclúe a responsable socialista.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
