Trabada, 16 de setembro de 2025. O Concello de Trabada vén de remitir unha carta ao director da Axencia de Turismo de Galicia, Xosé Manuel Merelles, solicitando unha reunión para abordar a creación dun albergue municipal no núcleo urbano de Trabada, a carón do Camiño do Norte.
O proxecto contempla habilitar un espazo de titularidade municipal actualmente sen uso, a antiga Cámara Agraria, un inmoble que se atopa nun lugar estratéxico, xa que o propio Camiño pasa diante del. Ademais, está situado ao lado do Museo Etnográfico Xosé Rocha, o que permitiría dinamizar e poñer en valor o conxunto do núcleo urbano.
A etapa que conecta Vegadeo con Mondoñedo suma 38 quilómetros, situando a vila de Trabada xusto no medio do percorrido: a 18,5 km de Vegadeo e a 19,5 km de Mondoñedo. Tal e como explicou o alcalde, Rubén García Freije, “consideramos vital contar cun albergue municipal, de xestión pública, que permita facer máis accesible e sostible esta etapa tan esixente para os camiñantes”.
O rexedor lembrou que o Concello xa solicitara colaboración en decembro de 2024, tras unha reunión coa Axencia de Turismo, mais ante a falta de resposta presentouse agora unha alternativa cun custo menor. Para iso, o Concello encargou un proxecto técnico que define a actuación necesaria para adaptar a antiga Cámara Agraria como albergue.
“O obxectivo é claro: aproveitar un espazo municipal que hoxe non está en uso e poñelo ao servizo da veciñanza e dos peregrinos, reforzando así a importancia do Camiño do Norte como ferramenta de dinamización turística e económica”, engadiu García Freije.
Desde o Concello de Trabada reiteran a súa plena disposición a colaborar coa Axencia de Turismo de Galicia e con todas as administracións para sacar adiante proxectos que melloren o municipio e a vida dos seus veciños e veciñas.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
