Ribadeo, 19 de setembro de 2025. O presidente do Senado, Pedro Rollán, visitou este venres Ribadeo, onde inaugurarou as Xornadas Mar por Medio pola tarde.
O alcalde, Dani Vega, dixo que “o presidente do Senado visita Ribadeo, creo que é unha boa noticia e unha alegría que as institucións visiten Ribadeo, que haxa unha reunión cordial co presidente do Senado, aquí en Ribadeo. Creo que hai que destacalo e subliñalo da importancia desta visita, dado que a cuarta autoridade do país visita Ribadeo, creo que é todo un exemplo de como está a facer Ribadeo o traballo”.
Para o rexedor “ter unha boa relación coas institucións é moi importante, administracións desde o punto de vista lexislativo, como é o Senado, tamén o Congreso dos Deputados ou tamén as distintas administracións como Deputación, o Goberno do Estado e a Xunta de Galicia”.
Vega considera que “hai que seguir nesta liña, destacar que é unha visita que tamén se vai unir ao comezo das Xornadas Mar por Medio, que vamos falar dese punto de encontro dos camiños, dese inicio que é Ribadeo da etapa do Camiño Norte. Vamos seguir afondando na historia e no impacto que está tendo o Camiño de Santiago tamén en Ribadeo e no conxunto do mapa galego e creo que o presidente do Senado inaugure estas Xornadas xunto co reitor da Universidade de Santiago, a vicereitora da Universidade de Oviedo, tamén o director da Axencia de Turismo de Galicia, a viceconselleira de Turismo de Asturias e tamén que participe a Academia Xacobea con esa organización das Xornadas, como respaldo tamén intelectual, eu creo que Ribadeo está mandando tamén unha mensaxe clara que do Camiño de Santiago, do Camiño Norte, se pode falar desde un punto de vista turístico, desde un punto de vista musical de concertos, pero tamén, e eu creo que hai que subliñalo, desde un punto de vista cultural, desde o mundo da intelectualidade, por seguir afondando e abordando asuntos que tamén interesan para Ribadeo”.
Xa pola tarde, o presidente do Senado, Pedro Rollán, participou na mesa inaugural das XX Xornadas Mar por Medio, que se desenvolven no Salón dos Alcaldes do Concello de Ribadeo ata o vindeiro domingo.
Nese acto xunto ao presidente do Senado estiveron o reitor da Universidade de Santiago, a viceconselleira de Turismo do Principado de Asturias, o director da Axencia de Turismo de Galicia, o presidente da Academia Xacobea, o deputado provincial de Recursos Sostibles, a concelleira de Cultura e o alcalde de Ribadeo. O encargado de moderar o coloquio foi o académico Lois Celeiro.
A primeira xornada pechouse co concerto de Manoele de Felisa.
Mañá ás 10:30 terá lugar a mesa redonda Galicia e Asturias unidas no Camiño. Para as 12:30 horas está prevista a conferencia De qué falamos cando falamos de Mar por Medio? Pola tarde ás 17:00 horas unha mesa redonda abordará A peregrinación: encontro de culturas. Os xubileos de Santiago, Roma e Xerusalén. Ás 18.30 horas nova conferencia sobre O Camiño de Santiago como modelo de turismo rexenerativo. A xornada do sábado concluirá coa actuación da Coral Polifónica de Ribadeo na igrexa de Santa Clara.
As XX Xornadas Mar por Medio concluirán o domingo, día 21, cun roteiro cultural ás 10 da mañá Tras os pasos da Orde Franciscana. E ás 13:00 horas terá lugar o acto de clausura.
O Deputado de Recursos Sostibles, Francisco Cajoto Caserío, participou tamén este venres no acto de benvida das XX Xornadas Mar por Medio de Ribadeo. A cita, organizada pola Academia Xacobea co obxectivo de reflexionar sobre o Camiño de Santiago e o fenómeno xacobeo, desenvólvese entre hoxe e o domingo, 21 de setembro, baixo o título Ribadeo, encontro de Camiños.
“Celebramos vinte anos dun encontro que, grazas á visión pioneira do hispanista británico John Rutherford, converteu a Mariña nun lugar de referencia para reflexionar sobre o Camiño de Santiago, sobre a súa historia, a súa dimensión cultural e espiritual, pero tamén sobre o seu papel como espazo de encontro entre persoas, institucións e territorios”, explicou Cajoto Caserío.
Expuxo o Deputado que con vistas ao seguinte Ano Santo, en 2027, “é o momento de planificar e colaborar para chegar preparados a esa cita. Temos dous anos decisivos para avanzar en proxectos, en ideas e en compromisos que permitan que o Camiño de Santiago siga sendo un referente mundial tamén no futuro”. Nese sentido puxo en valor a provincia de Lugo como “unha auténtica terra de peregrinos” polos seus 800 quilómetros de rutas xacobeas, unha “ferramenta” para promover un turismo sostible.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
