Primeira parte para o Burela e segunda para as locais con numerosas ocasións e hat-trick de Lara
Burela, 24 de setembro, 2025. Segunda eliminatoria da Copa da SM A Raíña na que o Burela entra na competición enfrontándose ao CDE Leganés Masdeporte no pavillón La Fortuna de Leganés. Primeira parte para o Burela e segunda parte para o Leganés, que logra sobrepoñerse remontando e levándose o encontro. Moita intensidade, ritmo e emoción neste competido encontro que deixa fora da competición ao conxunto laranxa.
Primeira parte dominada polo Burela durante os 20 minutos de xogo, cunha Ana Eliza moi seria, moita participación por parte de Silvia Rubal e unha inspiradísima Lara que protagoniza numerosas ocasións e anota dous tantos neste primeiro tempo, tres en total. Comeza anotando a focense no minuto 4. Continúa o xogo con varias boas intervencións de Ana Eliza, tres ocasións de Irene, unha que vai ao pau, un cara a cara coa porteira e un zapatazo tras un saque de córner, tamén unha ocasión clara de Silvia Rubal que acaba marchándose polo fondo da pista e outra de Sandra no minuto 14, pero chega o empate no 15 nun gol de penalti de Guti. Tras un tempo morto para as locais, continúan as ocasións de Lara, a primeira no 16 e a segunda no 18 tras un pase ao segundo pau de Silvia Rubal. A dous minutos do descanso a focense logra anotar o 1-2 á saída dun córner que saca Silvia e segundos antes do minuto 20 lanza un balón ao pau.
Na segunda parte sae Lola defender os paus do Burela e no primeiro minuto primeira ocasión para Sydorenko. Mantén a presión alta o Burela que non deixa saír da súa cancha ao Leganés, ata o minuto 25 no que Noe anota o gol do empate tras unha perda das mariñanas. Comeza a tambalearse o xogo por parte dos dous equipos e empezan as ocasións para as leganenses, a primeira salvaa Sandra nunha perda de balón de Cris Blanco, que posteriormente ve a cartulina amarela nunha falta ao borde da área que aproveitan moi ben as locais logrando poñerse por diante cun tanto de Tula nunha xogada de estratexia no saque de falta. Un minuto despois, Guti consigue marcar distancias cun gol nunha falta directa que rebota en Laura Barranco e tras o tempo morto pedido por Belén Feal comeza a atacar de 5 o Burela con Irene de porteira-xogadora, buscando o empate. Comeza ben a estratexia cunha ocasión de Laura que se vai fóra e continúa o xogo de 5 incisivo do Burela pero sen lograr finalizar. No minuto 32 Lara anota o terceiro tras un pase entre línas da capitana que remata a focense atopándose coa porteira, aínda que aproveita o rexeite para anotar o 4-3. Pero un minuto despois Guti consigue o quinto a portería baleira nun despiste do Burela na circulación de balón durante o xogo de 5. Sucédense as ocasións por parte de ambos equipos, unha de Sydorenko nun cara a cara coa porteira, outra de Lara que remata de novo un pase de Silvia á espalda do Leganés e outra da mesma capitana que detén Moni, aínda que o Leganés tamén provoca boas ocasións e boas xogadas durante estes minutos. Chega o 6-3 definitivo no minuto 37 cun gol de Del Rio nunha cómoda saída dende a área que finaliza con éxito.
Tras a eliminación, as burelesas centraranse na competición ligueira que continúa este sábado en Murcia, a onde viaxarán directamente dende Leganés, con un complicado encontro ante o STV Roldán, ás 12.00h no pavillón municipal Gabriel Pérez Sánchez.
Ficha Técnica CDE Leganés Masdeporte 6-3 Burela FS
CDE Leganés Masdeporte (6): Moni; Noe, Beita, Guti, Alba -quinteto inicial-, Candela, Henar, Noe, Beita, Rocío, Benayas, Rey, Guti, Alba, Tula, del Río, Iraia.
Burela FS (3): Ana Eliza (C); Cris Blanco, Silvia Rubal (C), Sandra, Lara -quinteto inicial-, Mara, Laura Barranco, Irene, Marina, Sydorenko, Lola (P)
Goles: 0-1, min. 4: Lara. 1-1, min.15: Guti. 1-2, min.18: Lara. 2-2, min.25: Noe. 3-2, min.27: Tula. 4-2, min.28: Guti. 4-3, min.32: Lara. 5-3, min.33: Guti. 6-3, min.37: del Río.
Árbitros: David Franco, Georgiana Alina Bancu, Marta Garvalena Crespo.
Incidencias: Viron tarxeta amarela, por parte das locais o adestrador Jorge Babio e por parte das visitantes, Silvia Rubal, Cris Blanco e Sandra.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
