Nota de prensa
Os datos oficiais tiran por terra as afirmacións de Manuel Vázquez, líder dos socialistas galegos, que aseguraba que os médicos que traballaban pola tarde, ampliando voluntariamente o seu horario laboral, daban altas por interese económico
BALSEIRO DA A COÑECER QUE A PORCENTAXE DE ALTAS HOSPITALARIAS NAS CONSULTAS EN HORARIO DE MAÑÁ SON MOITO MAIORES ÁS REXISTRADAS EN HORARIO DE TARDE
* No primeiro semestre de cada 100 pacientes que acudiron á súa consulta en horario de mañá 67 foron dados de alta. Pola tarde o número de altas descendeu a 59 de cada 100. Tamén no segundo semestre as altas na xornada de mañá foron de71 de cada 100 e pola tarde descenderon a 65 de cada 100.
* O deputado popular empraza á o secretario xeral socialista a rectificar de inmediato e volve a reclamar que cese na súa pretensión de poñer en dúbida a profesionalidade e honorabilidade dos profesionais sanitarios do Hospital da Costa
Santiago, 1 de decembro de 2010.- De ser certas as acusacións feitas polo líder dos socialistas galegos, Manuel Vázquez, nas que asegurou que os doutores do Hospital da Costa que voluntariamente deciden prolongar a súa actividade laboral ordinaria de mañá para atender consultas en actividade extraordinaria de tarde dan altas aos seus pacientes seguindo intereses económicos e non médicos, o lóxico sería concluír que estes doutores darían moitas máis altas cando atenden en actividade extraordinaria de tarde que cando o fan en actividade ordinaria de mañá. Pois ben, esta premisa non se cumpre, segundo deu a coñecer hoxe Jose Manuel Balseiro citando datos oficiais. O deputado popular asegura que a porcentaxe de altas hospitalarias nas consultas dos especialistas en horario de mañá (xornada ordinaria) é moito maior que ás rexistradas en horario de tarde (xornada extraordinaria).
Os datos facilitados non deixan espazo para a dúbida e botan por terra a grave acusación feita polo PSOE. Mentres que durante o primeiro semestre de cada 100 persoas que tiñan consulta co especialista pola mañá 67 obtiveron a súa alta, este número redúcese a 59 de cada 100 se a consulta foi en horario de tarde. Esta tendencia mantense se empregamos os datos do segundo semestre. De cada 100 doentes que acudiron á consulta en horario de mañá 71 foron dados de alta. Mentres que pola tarde tan só obtiveron a súa alta 65 de cada 100 doentes atendidos.
A luz da contundencia dos datos explicados, Jose Manuel Balseiro emprazou ao secretario xeral socialista a deixar de xustificar o inxustificable e rectificar de inmediato. Tamén pediulle que, aínda que sexa por respecto á súa antiga profesión de médico, cese na súa pretensión de poñer en dúbida a profesionalidade e honorabilidade dos profesionais sanitarios do Hospital da Costa. Balseiro quixo insistir nunha mensaxe de tranquilidade dirixida á opinión pública en xeral. “No Hospital da Costa ofrécese a mellor atención sanitaria posible e sempre atendendo a criterios médicos, con totais garantías, sempre pensando no mellor para o paciente.
DISTINTOS PROCESOS NA XORNADA DE TARDE
Balseiro explicou tamén que dentro do programa de autoconcertación (que é como se denomina tecnicamente á xornada extraordinaria de tarde, isto é, a aquela na que os médicos deciden voluntariamente prolongar a súa actividade laboral polas tardes para atender a doentes e reducir o tempo de espera) existen dous tipos de procesos diferentes: os de resolución rápida e os procesos de consulta.
Os de resolución rápida contemplan o proceso completo necesario para resolver os problemas de saúde dos doentes, mediante a historia clínica, exploración física e probas complementarias e diagnósticas que sexan precisas para establecer un diagnóstico e un tratamento nun mesmo acto clínico, evitando deste xeito desprazamentos ou citas posteriores innecesarias. O paciente é atendido de xeito máis rápido, máis eficiente, e o seguimento se efectúa despois polo médico de cabeceira.
No caso dos procesos de consulta: que son secuencias de consultas efectuadas a un paciente por problemas de saúde e a de revisión de resultados e seguimentos necesarios para establecer un diagnóstico e un tratamento.
Balseiro asegurou que pensando no benestar do paciente é moito mellor que os médicos poidan resolver a súa enfermidade e dar o tratamento no menor tempo posible e sen necesidade de reiteradas consultas que o que fan é trasladar no tempo a resolución definitiva do seu problema de saúde. Polo tanto é lóxico que sexa mellor un proceso de resolución rápida que o de consulta. En todo caso o médico de antemán, “salvo que sexa Deus ou teña inspiración divina”, non pode saber se a doenza do paciente pode ser atendida e diagnosticada nun proceso de consulta ou nun proceso de resolución rápida. Esta decisión dependerá exclusivamente do análise de cuestións médicas -que nada teñen que ver cos intereses económicos dos que falaban no PSOE- que mesturan conceptos nun estéril intento de xerar polémicas sen ningún fundamento e o único que fan é poñer en cuestión a ética e profesionalidade do acto médico.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
