Ribadeo mellorou a contorna do local social de Noceda

Ribadeo, 29 de setembro de 2025. Ribadeo mellorou a contorna do local social de Noceda.
O alcalde, Dani Vega, explicou que “seguimos xestionando orzamento e mellorando todos os locais sociais. Neste caso actuamos no de Noceda mellorando toda a parcela exterior construíndo unha rampla de formigón para mellorar a accesibilidade e mellorando esa parcela, que está ao ladiño, para convertela nun espazo multifuncional, pode ser para facer actividades ou tamén para utilizala como aparcadoiro”.

Para o rexedor “esta mellora é importante, estamos dándolle un valor a todo o edificio e é conveniente seguir nesta inversión. Tamén temos que actuar no seu interior. É importante realizar certas melloras e seguir colaborando cos veciños neste caso con actividades. Hai poucos días xuntábanse para facer unha comida de irmandade e tamén queremos achegar actividade a Noceda”.

Vega engadiu: “melloras no edificio e tamén no exterior con esa rampla de formigón ou ese aparcadoiro que está ao lado e tamén con propostas reais, que parten dos veciños e o Concello ten a obriga de actuar. Entre todos seguimos mellorando tamén o rural e os locais que están en cada sitio”.