O pleno da Deputación aprobou as dúas propostas presentadas pola formación nacionalista
Lugo, 30 de setembro de 2025. O pleno da Deputación de Lugo aprobou, a iniciativa do BNG, unha proposta na que se demanda á Xunta de Galicia o reforzo de persoal e recursos dos centros de ensino públicos.
O inicio do curso escolar evidenciou un ano máis as carencias dos centros de ensino públicos da provincia , especialmente nos concellos do ámbito rural. A voceira do BNG Iria Castro explicou que “a Xunta de Galicia recorta persoal e incumpre as súas propias ratios” e puxo como exemplo os colexios de Portomarín que, con máis alumnado terá menos docentes, o do Páramo, onde se agrupan 37 alumnos de diferentes ciclos e idades en dúas aulas e se recortan dous profesores; o colexio do Saviñao, que terá dúas profesonar menos, o Lois Peña Novo de Vilalba,onde se recortan tamén dous profesores, ou o CEIP de Covas, o IES de Foz ou o IES Leiras Pulpeiro, onde faltan docentes de Pedagoxía Terapeutica ou Audición e Linguaxe.
A deputada nacionalista puxo de manifesto que a Consellería utiliza como norma os “parches” e a “improvisación”, ademais de ofrecer números enganosos en canto ao profesorado, escondendo contratos a media xornada e itinerancias. Alén diso, denunciou con contundencia “o mercadeo” cos servizos públicos que o Partido Popular está a facer neste inicio do curso, “negociando” a contratación de profesorado en función de intereses electorais do Partido Popular.
“Como se escolle que centros negocian e cales non? Vostedes mercadean cos servizos públicos. Utilízanos para intentar perpetuar a súa política de caciquismo e servilismo e tratan as persoas como se fosen de primeira ou de segunda dependendo dos seus intereses electorais”, concluíu a deputada.
O BNG reclama un xiro cara a prevención e a ordenación do monte na política contra os lumes
O pleno aprobou tamén unha moción do BNG que demanda á Xunta de Galicia un xiro das políticas contra os lumes para centrarse na prevencíon e na ordenación do monte. O deputado Daniel García, que comezou a intervención con palabras de apoio e solidariedade para a veciñanza afectada e para o persoal de extinción , sinalou o “abandono da xestión forestal” por parte da Xunta de Galiza como un dos factores críticos fronte aos incendios.
“Os montes ocupan o 65% da superficie terrestre de Galicia, con 1,3 millóns de hectáreas de bosques e plantacións forestais. Hai máis de 600.000 propietarios forestais, dos cales a inmensa maioría non residen onde se atopa a propiedade forestal”, recordou o deputado para sinalar que “falta ordenación territorial. Debemos apostar por modelos de xestión que incidan no mosaico tradicional e permitan a discontinuidade das masas forestais contínuas”.
O deputado nacionalista sinalou que “temos normativa e leis máis que suficientes para aplicar políticas reais e eficaces de prevención dos lumes. Só precisamos vontade política. Algo que vostedes non aplican”, analizou o deputado nacionalista, que lembrou como o Partido Popular negou problemáticas advertidas desde o ámbiro municipal como “ a falta de medios e recursos dos concellos para asumir a xestión e o mantemento das redes de faixas secundarias ou aplicar os plan de prevención de incendios”.
O deputado nacionalista denunciou tamén que a Xunta teña sen asignar 2,5 millóns de euros de fondos europeos (FEADER) para acometer traballos de prevención de incendios como a creación de cortalumes e a limpeza das pistas forestais.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
