Barreiros, 3 de outubro, 2025. A Alcaldesa de Barreiros, Ana Ermida, ven de remitirlle ao xerente da área sanitaria Lugo-A Mariña-Monforte de Lemos, preocupada pola situación do centro de saúde
Estimado conselleiro;
Estimado xerente da área sanitaria Lugo-A Mariña-Monforte de Lemos;
Lamento ter que dirixirme a vostede novamente, mais a situación que se está a vivir novamente no centro de saúde de Barreiros ten a importancia suficiente para poñelo no seu coñecemento e pedirlle encarecidamente a adopción de medidas que a solucionen.
Despois dun verán coa sanidade vivindo nunha tensión permanente e cunha calidade deficiente debido á falta de recursos para atender á poboación e ás persoas desprazadas; chegamos ao mes de outubro, no que o total do cadro de persoal facultativo asignado a este Centro de Saúde non está dispoñible e non está sendo substituído, xerando unha lista de agarda para consultas ordinarias ou mesmo emisión de receitas de tres semanas.
O funcionamento anormal deste servizo vén repetíndose mes tras mes, xerando un estrés e unha carga laboral nas persoas que sustentan o servizo que, é de imaxinar, pasa factura no seu traballo. O escaso funcionamento que hai é grazas á implicación e á responsabilidade do persoal que se mantén nos seus postos, pero non é sostible a nivel laboral nin persoal.
Por todo isto é polo que quero trasladarlle a nosa preocupación e o malestar existente coa xestión que se está a realizar dos centros de saúde -reducindo a atención e degradando a existente- que desembocará, de non solucionalo, en graves problemas sociais.
É por esta razón pola que consideramos imprescindible que se proceda a realizar a cobertura das ausencias no Centro de Saúde de Barreiros de xeito inmediato, garantindo así a asistencia sanitaria dunha poboación maioritariamente envellecida e moi dependente dos servizos do Centro de Saúde.
Agardando que a información facilitada sexa de utilidade e sexan atendidas as demandas de veciñanza e persoal sanitario para a consecución dunha atención primaria de calidade no centro de saúde Barreiros, quedo á súa disposición para canto estea nas nosas mans.
Un saúdo, Ana Ermida
Alcaldesa de Barreiros
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
