Trabada, 6 de outubro de 2025. O Concello de Trabada informa da finalización das obras de mellora do vial que conecta as parroquias de Fórnea e Vilamartín Pequeno, unha actuación impulsada conxuntamente polos Concellos de Trabada e Barreiros.
O proxecto contou cun investimento total de 50.880,37 euros, dos cales 35.616,26 euros proceden dunha subvención solicitada á Consellería de Presidencia, Xustiza e Deportes, mentres que os 15.264,11 euros restantes foron achegados polos dous concellos.
Os traballos permitiron acondicionar e mellorar o firme desta vía, aumentando a seguridade e comodidade do tránsito tanto para vehículos como para os veciños e veciñas que a empregan habitualmente.
O alcalde de Trabada, Rubén García, destacou que “esta actuación é un novo paso adiante para mellorar as comunicacións entre parroquias e garantir unha mobilidade segura para a veciñanza”. Engadiu tamén que “a colaboración institucional é fundamental para levar a cabo este tipo de proxectos, que dan resposta a necesidades comúns e repercuten directamente na calidade de vida do noso rural”.
Con esta obra, o Concello de Trabada continúa avanzando na súa liña de actuación orientada á mellora das infraestruturas viarias e á posta en valor das conexións entre parroquias, contribuíndo á cohesión territorial e á dinamización do municipio.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
