Balseiro lembrou que un dos areais máis emblemáticos de Barreiros leva cinco anos coa súa escalinata pechada e sen acometer obras de consolidación do acantilado ante a falta de interese e vontade da Alcaldía e de Costas do Estado
Madrid, 6 de outubro de 2025. A Comisión de Transición Ecolóxica do Senado aprobou, cos votos da maioría popular, unha moción na que se insta ao Goberno de España a recuperar en termos de “seguridade e normalidade” os accesos á praia de San Bartolo, no municipio lucense de Barreiros.
O senador popular, José Manuel Balseiro, encargado de defender a moción, explicou que no ano 2021 tivo lugar un desprendemento de rochas que inhabilitou a escalinata de acceso a este emblemático areal. Desde entón, nin desde a Alcaldía, nin desde Costas do Estado, como administracións competentes, teñen achegado solucións.
Para Balseiro a “falta de interese” das administracións local e estatal por recuperar os accesos é un caso de “flagrante imprudencia temeraria” xa que, en todo este tempo, nin retiraron as rochas, nin fixeron nada por consolidar os acantilados, aos que hai que sumar a insuficiente sinalización de advertencia que, especialmente durante o verán, deu lugar a situacións de risco, pola aparición de novas fosas.
TOMADURA DE PELO CO ESTUDO XEOTÉCNICO
Os populares rexeitaron unha emenda formulada polo BNG que pedía a elaboración dun estudo xeotécnico do litoral. Balseiro di que propoñer agora isto “é unha tomadura de pelo” xa que lembrou que a elaboración deste estudo “xa foi prometido” tanto por Costas do Estado, como polo propio Concello en novembro de 2024 “e nada se ten avanzado” A senadora nacionalista incluso chegou a contradicirse, na súa primeira intervención falou de que “era necesario este análise xeotécnico e na segunda que xa estaba feito. Se está feito para que o pide, é un modo de seguir mareando a perdiz”.
Balseiro dixo tamén que o Concello e Costas do Estado non se poden escusar nun conflito de competencias á hora de acometer os traballos para recuperar esta praia, porque “non é un problema de competencias, senón de falta de vontade”. Afirmou tamén que esta actitude de desidia “supón un dano reputacional para as praias de Barreiros, para o seu potencial turístico, ademais de manter durante un lustro unha situación que supón un risco para as persoas”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
