CERVO .- O alcalde de Cervo, Alfonso Villares, comprometeuse a valorar a solución apuntada hoxe polo responsable da Dirección Xeral de Patrimonio na provincia de Lugo, Felipe Arias, para protexer os restos arqueolóxicos da zona da Atalaia en San Ciprián.
Villares non quixo desvelar o contido da proposta feita polo representante da Consellería, e emprazou ao propio Arias a que fora Patrimonio quen a dera a coñecer. “Dende o Concello sempre temos sido moi cautos en todo este tema e vámolo seguir sendo. Hai que lembrar que a Consellería de Cultura é o organismo competente en materia de protección do patrimonio en Galicia, e polo tanto, é a administración capacitada legalmente para tomar as decisións que entendan oportunas sobre os bens de interese arqueolóxico. Por iso, penso que debe ser o representante de Patrimonio quen sexa o que dea a coñecer a proposta apuntada dende a Xunta para solucionar este problema” sinalou.
O rexedor cervense lembrou que o Concello sempre estivo interesado en coñecer as xestións previstas pola Xunta có obxecto de protexer, preservar e poñer en valor os restos da Atalaia. “Temos amosado en diversas ocasións e de xeito público a nosa mellor disposición para traballar en positivo, e por iso, na reunión de hoxe dende o Concello comprometémonos a estudar e avaliar a proposta da Consellería. O goberno municipal que eu presido ten a máxima disposición para estudar calquera solución que se nos achegue por parte da Consellería, a única con competencias e medios para preservar o achado da Atalaia. No momento en que dispoñamos da plasmación desta proposta de xeito oficial estudarémola co obxecto de valorala có asesoramento dos nosos técnicos municipais” dixo Villares.
BENEPLÁCITO DO BNG E PSOE
O feito de que na reunión de hoxe tamén estiveran os voceiros da oposición cervense a instancias do propio responsable de Patrimonio é para o rexedor de Cervo unha mostra de que a proposta apuntada dende a administración autonómica “dispón do beneplácito de PSOE e BNG”. Villares entende que Méndez e Estua asumen a proposta de Cultura, “que ao fin e ao cabo, é unha administración que forma parte do goberno bipartito da Xunta de Galicia” dixo.
Á ESPERA DUNHA PROPOSTA OFICIAL
Por último, Villares recalcou que en canto o Concello dispoña de xeito oficial da proposta apuntada hoxe polo representante da Consellería de Cultura o goberno municipal estudará a súa viabilidade técnica e legal “e adoptaremos a decisión oportuna”. “O Concello de Cervo sempre estará naquelas decisións que vaian de xeito positivo en favor do interese dos nosos veciños e sirvan para a correcta protección desas pegadas da nosa historia, dos restos arqueolóxicos do castro da Atalaia”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
