Foz, 20 de novembro de 2025. A biblioteca municipal Salgado Toimil, de Foz, convoca o XXI Concurso de Postais de Nadal para todo o alumnado do concello de Foz nas categorías existentes.
A concelleira de Cultura, Inés López Couto, anuncia que “o concurso estará aberto ata o vindeiro 12 de decembro. As postais deberán realizarse nunha cartolina de tamaño aproximado 16×11 centímetros, a técnica será libre e o texto que se inclúa deberá ser en galego. As categorías serán de infantil, primaria A (1º, 2º, 3º) e primaria B (4º, 5º, 6º), ESO (1º, 2º, 3º e 4º). Haberá tres premios por cada unha das categorías. A postal gañadora será a felicitación oficial do Concello de Foz para o Nadal 2025”.
Inés López Couto engade que “ademais a biblioteca municipal súmase á visualización e concienciación na loita contra a violencia de xénero, no 25N, cunha mostra bibliográfica que reúne obras literarias e divulgativas destinadas a promover a lectura como vía para a igualdade e que teñen como temática a perspectiva de xénero e as distintas formas de violencia machista. A mostra estará ata o vindeiro 28 de novembro”.
Ademais esta fin de semana o venres 21 ás 20.30 horas á Sala Bahía chega a representación Yo solo quiero irme a Francia, con María Galiana (Doña Herminia en Cuéntame), Nieve de Medina, Ledicia Sola e Alicia Armenteros. A entrada é de 5 euros.
“O sábado conmemoramos a Santa Cilla e os músicos da Banda de Música de Foz ofrecerán un concerto a partir das 20.00 horas na Sala Bahía. Tamén temos festa na parroquia de Santa Cilla, onde o sábado e o domingo haberá moita música”, finaliza a concelleira de Cultura.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
