O modelo permitirá mellorar o servizo, garantir a salubridade pública e clausurar os actuais puntos de depósito, nalgúns casos convertidos en vertedoiros incontrolados
Vilalba, 20 de novembro de 2025. A alcaldesa de Vilalba, Marta Rouco, vén de anunciar a posta en marcha dun novo sistema de recollida de plásticos agrícolas que entrará en funcionamento no 2026 e que suporá un cambio significativo no servizo que reciben as explotacións gandeiras do municipio.
A recollida pasará a realizarse directamente granxa a granxa, garantindo unha maior comodidade para os titulares das explotacións e unha mellora substancial nas condicións de limpeza e salubridade da vía pública.
A rexedora vilalbesa, Marta Rouco, destacou que “este novo modelo permitirá ofrecer un servizo máis moderno, eficiente e adaptado á realidade do rural, evitando desprazamentos innecesarios para os gandeiros e eliminando os problemas xerados polos antigos puntos de depósito, que nalgúns casos chegaron a converterse en vertedoiros incontrolados”. Engadiu ademais que “o obxectivo é facilitar a vida aos veciños e veciñas, manter os espazos públicos en bo estado e avanzar cara a unha xestión dos residuos máis responsable e acorde cos tempos actuais”.
O novo servizo funcionará dúas veces ao ano, coincidindo coa última semana de maio e a última semana de outubro. Para que a empresa concesionaria pase pola explotación, só será necesario realizar unha chamada previa ao teléfono dispoñible para tal fin: 653 940 988, a partir do día 1 do mes correspondente. A empresa encargada da recollida organizará as rutas e acudirá ás granxas para retirar os plásticos preparados polos titulares.
Este novo sistema permitirá, ademais, clausurar os puntos de recollida actuais, que nalgunhas parroquias acumulaban todo tipo de residuos alleos aos plásticos agrícolas, xenerando problemas de limpeza e afectando á imaxe do rural vilalbés.
O Concello de Vilalba tamén lembra que os residuos voluminosos nunca deben deixarse nos antigos puntos de recollida de plásticos. Poden depositarse directamente no punto limpo municipal ou solicitar a recollida no domicilio chamando ao 671.606.099. Este servizo realízase todos os venres previa solicitude telefónica ou vía WhatsApp.
O Concello de Vilalba agradece a comprensión e colaboración dos seus veciños e veciñas ante este cambio, pensado para ofrecer un servizo máis cómodo, limpo e eficaz para todas as explotacións do municipio.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
