Lugo, 20 de novembro de 2025. A deputada de Cultura Iria Castro informou dos termos en que a Deputación de Lugo propón á Xunta que exerza o dereito de retracto sobre a parcela na que se ubica a Torre de Caldalboa, adquirida en 2022 pola entidade provincial.
A Deputación solicitará a Xunta de Galicia que se comprometa a garantir e facer efectiva a protección, conservación, restauración e consolidación da Torre de Caldaloba, preservando o seu valor histórico e arqueolóxico e que abone á Deputación de Lugo o prezo de adquisición do ben -106.000 euros – e os gastos derivados da taxación e medición e das xestións de rexistro e notaria.
A responsable provincial explicou que “a compra dos terreos por parte da Deputación tiña como obxectivo a incorporación da Torre ao patrimonio público para levar a cabo un proxecto de consolidación e posta en valor acorde co seu valor histórico e simbólico. E iso é o que pedimos á Xunta de Galicia neste proceso de negociación que agardamos se poida resolver de forma inmediata para que a Xunta e o Concello de Cospeito actúen xa sobre o ben e seu entorno”.
A proposta, que os servizos xurídicos da Deputación trasladarán á Xunta, formúlase no contexto do proceso de negociación decretado polo Xulgado logo da demanda presentada polo goberno galego en relación coa compra do ben, o pasado mes de abril.
A Deputación de Lugo solicitara ao Xulgado a suspensión do procedemento xudicial e a apertura deste procedemento de neogiciación para avanzar canto antes na restauración da fortificación, despois de tres anos e medio de bloqueo administrativo por parte da Xunta de Galicia
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
